Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 03-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 307 дахь өдөр бөгөөд он дуусахад 58 хоног үлдлээ.
- Цаг агаар өдөртөө 3 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 18. Мягмар гараг. Чөлөөт эх одтой, гурван хөх мэнгэтэй, цагаан нохой өдөр. Өдрийн наран 7 цаг 40 минутад мандан, 17 цаг 31 минутад жаргана.Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр сэтгэл муутантай нөхөрлөх зэргийг цээрлэх хэрэгтэй ба лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Үс шинээр үргээлгэх буюу засуулахад тохиромжгүй бөгөөд өнгө зүс доройтно хэмээжээ.
- “Найман шарга” валют арилжааны төвд ам.долларын авах ханш 2,851.00 төгрөг, зарах нь 2854.00 төгрөг байна. Харин рублийн авах ханш 36.00, зарах ханш 37.00, юанийн авах ханш 426.00, зарах ханш 427.50, вонийн авах ханш 2.51, зарах ханш 2.53 төгрөг байна.
Өнөөдөр болох онцлох үйл явдлууд:
- 10.00 цагт Нийслэлийн үйлчилгээний нэгдсэн төвийн Дүнжингарав салбарт “Ажлын байрны өдөрлөг” болно.
- 10.30 цагт Сүхбаатар дүүргийн Цагдаагийн газрын хурлын танхимд "Камерын хяналтыг сайжруулах, шалгалтын дүнг танилцуулах" зөвлөгөөн болно. Утас: 99995504
- 11.00 цагт Новотел зочид буудалд ХЗДХ-ийн сайдын нэрэмжит “Шилдэг хэсгийн төлөөлөгч 2020” тэмцээн болно. Утас: 99028267
- 11.00 цагт ЭМДЕГ-аас өөрийн байрандаа хөнгөлөлттэй эмийн цахим жор бичилтийн талаар мэдээлнэ. Утас: 99070502
- 12.00 цагт “Монгол ньюс” мэдээллийн төвд Эх нутаг, хүн зоноо хамгаалах ТББ-аас “Хүүхдийн хүчирхийллийн эсрэг, хүүхдийн амь насыг хамгаалахад төр, төрөл садангийн хүн чанар хэрэгтэй юу?” сэдвээр мэдээлнэ.
Төрийн ордонд
- 09.00 цагт “Их Эзэн Чингис хаан” танхимд Коронавируст халдвар /КОВИД-19/- аас урьдчилан сэргийлэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг сар тутам нээлттэйгээр хэлэлцэж, хяналт тавих шаардлагатай бол УИХын холбогдох байнгын хорооны хуралдаанаар хэлэлцүүлэх, санал, дүгнэлт гаргах үүрэг бүхий түр хороо хуралдана.
- 11.00 цагт “Жанжин Д.Сүхбаатар” танхимд Хууль зүйн байнгын хороо хуралдана.
- 14.00 цагт “Их Эзэн Чингис хаан” танхимд Төрийн байгуулалтын байнгын хороо хуралдана.
- 15.30 цагт “Жанжин Д.Сүхбаатар” танхимд Төсвийн байнгын хороо хуралдана.
Энэ өдөр дэлхийн түүхэнд:
- Өнөөдөр Малдивт Ялалтын баярын өдөр тохиож байна.
- Мөн өнөөдөр Япон улсад Соёлын өдөр тохиож байгаа юм байна.
- 1995 оны энэ өдөр АМерикийн алдарт загвар өмсөгч Kendall Jenner мэндэлжээ.
- Оросын театр, кино урлагийн алдарт жүжигчин Александр Викторович Дедюшко таалал төгсчээ.
- 2014 онд дэлхийн 6 дахь хамгийн өнөдөр барилга, дэлхийн баруун бөмбөрцгийн хамгийн өндөр барилга болох Нью-Йорк хотын худалдааны төв цамхаг "One World Trade Center" албан ёсоор нээлтээ хийжээ.
