Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 02-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 306 дахь өдөр бөгөөд он дуусахад 59 хоног үлдлээ.
- Цаг агаар өдөртөө 3 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 17. Даваа гараг. Нэгэн эхийн зургаан хөвгүүн одтой, дөрвөн ногоон мэнгэтэй, шаргачин тахиа өдөр. Тэрсүүд өдөр. Өдрийн наран 7 цаг 39 минутад мандан, 17 цаг 33 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газар очиход муу. Өдрийн сайн цаг нь хулгана, бар, туулай, морь, хонь, тахиа болой.
- Үс шинээр үргээлгэх буюу засуулахад тохиромжгүй бөгөөд өнгө зүс доройтно хэмээжээ.
- “Найман шарга” валют арилжааны төвд ам.долларын авах ханш 2,851.00 төгрөг, зарах нь 2854.00 төгрөг байна. Харин рублийн авах ханш 36.00, зарах ханш 37.00, юанийн авах ханш 426.00, зарах ханш 427.50, вонийн авах ханш 2.51, зарах ханш 2.53 төгрөг байна.
Хол газар яваар одогсод хойш мөрөө гаргавал зохистой.
Өнөөдөр болох онцлох үйл явдлууд:
- 09.00 цагт Төрийн ордонд УИХ дахь МАН, АН-ын бүлэг хуралдана.
- 10.00 цагт ГХЯ-нд Гадаад харилцааны сайд Н.Энхтайван сэтгүүлчидтэй уулзана.
- 10.30 цагт Нийслэлийн Хэвлэл мэдээллийн төвд нийслэлийн удирдлагууд “U-money” картын шинэ үйлчилгээний талаар мэдээлнэ. Утас: 11325044
- 11.00 цагт ЭМЯ-наас коронавирусний нөхцөл байдлын талаар цахимаар мэдээлнэ.
- 11.30 цагт “Үндэсний мэдээллийн төв”-д Иргэдийн шударга шүүх ТББ-аас Үндсэн хуулийн дугуйлан нээсэн тухай хэвлэлийн бага хурал зарлалаа.
- 14.00 цагт “The Corporate Hotel and Convention Centre”-т Үндэсний ерөнхий боловсролын тогтолцоог олон улсын түвшинд хүргэх нь” хэлэлцүүлэг болно.
- 14.00 цагт Төрийн ордонд "Ажиллах хүчний шилжилт хөдөлгөөний эрх зүйн орчны шинэчлэл" гурван талт хэлэлцүүлэг болно.
- 14.30 цагт Спортын төв ордонд 30 орчим сургуулийн 1500 оюутан оролцсон Монголын оюутны спортын V наадмын нээлтийн ёслол болно.
Энэ өдөр дэлхийн түүхэнд:
- Өнөөдөр Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох өдөр юм байна.
- 1965 оны энэ өдөр Мороккын гүйлтийн тамирчин Саид Ауйта мэндэлжээ.
- 1965 оны энэ өдөр Энэтхэгийн алдарт жүжигчин Шахрух Хан мэндэлжээ.
- 1974 оны энэ өдөр Америкийн реппер Нелли мэндэлжээ.
- 1984 онд Америкийн цуврал алуурчин, 6 хүний амийг хороосон гэмт хэрэгтэн Margie Velma Barfield-г цаазалснаар Америкийн түүхэнд 1962 оноос хойш цаазлуулах ялаар шийтгэгдсэн анхны эмэгтэй болжээ.
