Өнөөдрийн тухай таны мэдэх ёстой 21 зүйл: Нийслэлийн шилдэг сургууль, цэцэрлэг шалгаруулах, индексийн урамшуулал олгох ёслол болно

Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

10 дугаар сарын 29-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 302 дахь өдөр бөгөөд он дуусахад 63 хоног үлдлээ.
2. Цаг агаар өдөртөө 11 хэмийн дулаан бол шөнөдөө -5 градус хүйтэн байх нь ээ. 
3. Билгийн тооллын 13. Пүрэв гараг. Могойг хүлэгч одтой, найман цагаан мэнгэтэй хөхөгчин могой өдөр. Өдрийн наран 7 цаг 33 минутад мандан, 17 цаг 39 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, сэтгэлд сэвтэй газар очих, байшингийн суурь тавихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. 
4. Үс шинээр үргээлгэх буюу засуулбал жаргал ирнэ хэмээжээ.
5. “Найман шарга” валют арилжааны төвд ам.долларын авах ханш 2,852.00 төгрөг, зарах нь 2855.00 төгрөг байна. Харин рублийн авах ханш 37.20, зарах ханш 37.50, юанийн авах ханш 426.00, зарах ханш 427.00, вонийн авах ханш 2.50, зарах ханш 2.52 төгрөг байна.

Өнөөдөр болох онцлох үйл явдлууд: 

1. 09.00 цагт Төрийн ордонд УИХ-ын чуулган хуралдана.
2. 09.00 цагт Улсын хоёрдугаар төв эмнэлэгт “Дэлхийн Харвалтын өдөр”-ийг тохиолдуулан “Харвалтын эрсдлийг үнэлэх нь” өдөрлөг болно. Утас: 99797227, 89647777
3. 09.00 цагт Монголын хүүхдийн ордонд Нийслэлийн шилдэг сургууль, цэцэрлэг шалгаруулах, индексийн урамшуулал олгох ёслол болно.
4. 09.30 цагт “Blue Sky” зочид буудалд Монгол, БНСУ дипломат харилцаа тогтоосны 30 жилийн ойд зориулсан эрдэм шинжилгээний хурал болно.
5. 09.30 цагт “Шангри-Ла” зочид буудалд “COVID-19” цар тахлын үед ус хангамж, ариун цэврийн байгууламжийн үйлчилгээний тогтвортой менежментийг хангах нь” зөвлөлдөх уулзалт болно.
6. 10.00 цагт Экологийн цагдаагийн албаны байранд “Тамхины хоггүй хотыг бүтээе” үйл ажиллагаа болно. Утас: 91119374
7. 10.00 цагт Төрийн ордонд Шадар сайдын ивээл "Бид хэрэглэгч" хэлэлцүүлэг болно. Утас 88038882
8. 10.00 цагт Улаанбаатар хотын музейд Монголд 1921-1936 онд амьдарч байсан Дани улсын иргэн К.П.Албертсон, К.И.Кребс, Л.Тайдманд нарын авсан гэрэл зургийн “Монгол орон, Монголчууд” үзэсгэлэнгийн нээлт болно.
9. 11.00 цагт Үндэсний урлагийн их театрт тус театрын 70 жилийн ойн нээлтийн хэвлэлийн бага хурал болно. Утас: 88031639 89998103
10. 11.00 цагт МУБИС-ийн хичээлийн III байранд тус сургуулийн харъяа Математик, байгалийн ухааны сургуулийн 6 хөтөлбөрт Европын холбооны “ASIIN” байгууллагын гэрчилгээ олгох ёслол болно
11. 12.00 цагт “Үндэсний мэдээллийн төв”-д Ардын жүжигчин Ш.Чимэдцэеэ цаг үеийн асуудлаар мэдээлнэ.
12. 12.00 цагт Монгол бөхийн өргөөнд Улаанбаатар хотын түүхт 381 жилийн ойд зориулсан улс, аймгийн алдар цолтой 256 бөхийн барилдаан болно.

Энэ өдөр дэлхийн түүхэнд: 

1. 1982 оны энэ өдөр Тайванийн алдарт жүжигчин, 43 болон 47 дахь удаагийн "Golden Bell" авардсаас шилдэг эмэгтэй жүжигчний шагналтан Ariel Lin мэндэлжээ.
2. Харин сүмогийн 41 дахь ёкозүна Чиёнояма Масанобү 1977 оны энэ өдөр таалал төгсчээ.
3. 2015 онд БНХАУ 35 жилийн дараа "нэг гэр бүл-нэг хүүхэд" бодлогоо албан ёсоор цуцалжээ.
4. 2008 онд АНУ-ын агаарын тээврийн хоёр том компани нэгдэж, тус улсын агаарын тээврийн салбарт хамгийн том авиа компанийг үүсгэжээ.