Монголын кастингийн “Chance” агентлаг 20 жилийн ойгоо тохиолдуулан Киргизийн алдарт зохиолч Мар Ташимович Байджиевийн “Дуэль” зохиолын албан ёсны эрхийг авч “Сэтгэлд харвасан туяа” уран сайхны кино бүтээснээ өнгөрсөн сараас үзэгчдэд хүргэж буй.
Тэгвэл тус уран сайхны киног дуун тайлбарт кино буюу сонсох хувилбараар Монголд анх удаа хөрвүүлж харааны бэрхшээлтэй иргэдэд хүргэхээр болжээ. Киног маргааш буюу гуравдугаар сарын 2-нд Монголын хараагүйчүүдийн үндэсний холбооны байранд 14.00 цагаас хүргэх аж.
