Монгол Улсын баатар Дамдины Намнангийн нэрэмжит, Цэргийн гавьяаны одонт, хилийн 0165 дугаар ангийн дэрэг дэх Ш.Мөнхжаргал эрхлэгчтэй Өлгий сумын 22 дугаар цэцэрлэгийн хүүхдүүд “ШИНЭ ЖИЛИЙН АЯЛГУУ” тоглолт хийж, оны шилдэг хүүхдүүдээ тодрууллаа. Тоглолтод ангийн удирдлагууд, аймгийн Боловсрол Соёлын газрын сургуулийн өмнөх насны хүүхдүүд хариуцсан мэргэжилтэн С.Серикгүл, Шүүх Шинжилгээний газрын дарга, хошууч Г.Сүхбат болон эцэг эхүүд оролцсон юм. Энэ цагийн бяцхан хилчид дуулж, бүжиглэж, шүлэг уншин, шоо эвлүүлж, аяга өрж, сурсан мэдсэн зүйлсээ ийнхүү тайлагналаа. Тэд ч гэсэн аав, ээжийн хамт эх орноо хамгаалж буй хилчид билээ.
