Засгийн газраас баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд “Хөдөө аж ахуйг дэмжих” 500 тэрбум төгрөгийн зээл олгохоор шийдсэн билээ. Үүнээс хаврын тариалалтад 100, ноолуур бэлтгэлд 200, малчдыг дэмжихэд 200 тэрбум төгрөг олгохоор арилжааны банкны эх үүсвэрт тулгуурлан жилийн гурван хувийн хүүтэй олгохоор болсон.
Засгийн газраас баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд “Хөдөө аж ахуйг дэмжих” 500 тэрбум төгрөгийн зээл олгохоор шийдсэн билээ. Үүнээс хаврын тариалалтад 100, ноолуур бэлтгэлд 200, малчдыг дэмжихэд 200 тэрбум төгрөг олгохоор арилжааны банкны эх үүсвэрт тулгуурлан жилийн гурван хувийн хүүтэй олгохоор болсон.
НООЛУУР БЭЛТГЭЛИЙН ЗЭЭЛ
Зориулалт: Бизнесийн үйл ажиллагаагаа тогтвортой явуулахад шаардлагатай, ноолуур самнах болон түүнээс дээш дамжлага бүхий аж ахуйн нэгжид түүхий ноолуур худалдан авахад зориулан шинээр зээл олгох, уг зориулалтаар авсан зээлийг дахин санхүүжүүлэх.
Зээл олгох хугацаа: 2021 оны 6-р сарын 30-ны өдрийг дуустал
Ноолуур бэлтгэлийн зээлд дараах шаардлагыг хангасан байна.
- Ноолуур самнах болон түүнээс дээш дамжлага бүхий аж ахуйн нэгж байх;
- Банкнаас зээлийн үйл ажиллагааны журам, зааврын хүрээнд энэ гэрээг хэрэгжүүлэхтэй нийцүүлэн тавигдсан бусад шаардлага.
ХАВРЫН ТАРИАЛАЛТЫН ЗЭЭЛ
Зориулалт: Бизнесийн үйл ажиллагаагаа тогтвортой явуулахад шаардлагатай эргэлтийн хөрөнгийг бүрдүүлэх, банкнаас ижил зориулалтаар авсан зээлийг дахин санхүүжүүлэх.
Зээл олгох хугацаа: 2021 оны 10-р сарын 31-ний өдрийг дуустал
Хаврын тариалалтын зээл авахад дараах шаардлагыг хангасан байна.
- Нэмэгдсэн өртгийн албан татвар суутган төлөгчөөр бүртгүүлсэн, эсвэл нэмэгдсэн өртгийн албан татвараас чөлөөлөгдсөн байх;
- Өөрийн эзэмшлийн газрын өмчлөх, эзэмших эрхтэй болон түрээсийн газартай байх (гэрчилгээ болон түрээсийн гэрээтэй байх);
- Төмс, хүнсний ногоо, жимс жимсгэнэ тариалах талбай 0.1 га-с дээш байх;
- Өвөл-зуны хүлэмжийн аж ахуй эрхлэгч 30 м2 талбайгаас дээш тариалан эрхлэгч байх;
- Үр тариа, тос, тэжээлийн тариалан эрхлэгчид 1 га талбайгаас дээш байх;
- 2021 хаврын урьдчилсан тариалалтын захиалгын мэдээ;
- Банкнаас зээлийн үйл ажиллагааны журам, зааврын хүрээнд энэ гэрээг хэрэгжүүлэхтэй нийцэж тавигдсан бусад шаардлага.
МАЛЧДЫГ ДЭМЖИХ ЗЭЭЛ
Зориулалт: Малчин, мал бүхий этгээдэд хэрэглээний зээлээс бусад банкны ижил төрлийн (малчны) зээлийн бүтээгдэхүүний нөхцөлөөр олгох;
Зээлийн хэмжээ: 50 сая төгрөг хүртэл
Зээл олгох хугацаа: 2021 оны 12-р сарын 31-ний өдрийг дуустал
Зээлийн хугацаа: 3 жил хүртэл
Үндсэн төлбөрөөс чөлөөлөгдөх хугацаа: 12 сараас хэтрэхгүй
Малчдыг дэмжих зээлд хамрагдах малчин, мал бүхий этгээд дараах шаардлагыг хангасан байна.
- Үндэсний статистикийн хорооны жил бүрийн мал тооллогын “А” дансны мэдээллээр баталгаажсан байх;
- Банкны ижил төрлийн зээлийн бүтээгдэхүүнд тавигдах бусад шаардлага болон энэ гэрээг хэрэгжүүлэхтэй нийцүүлэн тавигдсан бусад шаардлага.
