Өнөөдөр гадаа -6 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
2 дугаар сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 36 дахь өдөр бөгөөд он дуусахад 329 хоног үлдлээ.
- Цаг агаар өдөртөө -6 хэмийн хүйтэн бол шөнөдөө -16 градус хүйтэн байх нь ээ.
- Билгийн тооллын 23, Хонгорцог одтой, хөх бич өдөр. Өдрийн наран 8 цаг 14 минутад мандан, 17 цаг 58 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой.
- Үс шинээр үргээлгэх буюу засуулбал эд, эдлэл, идээ, ундаа олно.
- “Найман шарга” валют арилжааны төвд ам.долларын авах ханш 2,849.00 төгрөг, зарах нь 2851.00 төгрөг байна. Харин рублийн авах ханш 37.20, зарах ханш 38.30, юанийн авах ханш 440.00, зарах ханш 441.50, вонийн авах ханш 2.57, зарах ханш 2.59 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавируст халдварын нөхцөл байдлын талаар мэдээлнэ
Энэ өдөр дэлхийн түүхэнд:
- 1985 оны энэ өдөр Португалийн хөлбөмбөгийн домог Криштиану Роналду мэндэлжээ.
- Мөн 1972 оны энэ өдөр Данийн угсаа залгамжлах гүнж Мери мэндэлжээ.
- 2000 онд Чеченийн Грозни хотын Нове Алди тосгонд ОХУ-ын арми халдлага үйлдэж, 60 энгийн иргэн амиа алджээ.
- 1997 онд Швейцарын хамгийн том гурван банк хоморголон устгах ажиллагааны золиос болсон хохирогчдын ар гэрийнхэнд 71 сая ам.долларын буцалтгүй тусламж олгох шийд гаргажээ.
- 1971 онд Аполло 14 хөлөг саран дээр газарджээ.
- 1962 онд Францын ерөнхийлөгч Шарль де Гойл Алжирийн тусгаар тогтнолыг хүлээн зөвшөөрөв.
- 1919 онд Алдарт жүжигчид болх Чарли Чаплин, Мери Пикфорд, Дуглас Фейрбэнкс, Д.В.Гриффит нар нэгдэж "United Artists" компанийг байгуулав.
