Өнөөдрийн тухай таны мэдэх ёстой 14 зүйл: УОК хуралдана

11 дүгээр сарын 17-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 321 дахь өдөр бөгөөд он дуусахад 44 хоног үлдлээ.
2. Цаг агаар өдөртөө 0 хэмийн хүйтэн бол шөнөдөө -7 градус хүйтэн байх нь ээ. 
3. Билгийн тооллын 3, Гар одтой, хөх хулгана өдөр. Өдрийн наран 8 цаг 02 минутад мандан, 17 цаг 13 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.
4. “Найман шарга” валют арилжааны төвд ам.долларын авах ханш 2,850.00 төгрөг, зарах нь 2853.00 төгрөг байна. Харин рублийн авах ханш 36.80, зарах ханш 37.80, юанийн авах ханш 431.00, зарах ханш 433.00, вонийн авах ханш 2.51, зарах ханш 2.54 төгрөг байна.

Өнөөдөр болох онцлох үйл явдлууд: 

1. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
2. 17.00 цагт Эрүүл мэндийн яамнаас коронавирусний асуудлаар цахимаар мэдээлнэ.
   
3. 14.00 цагт Нийгмийн бодлогын байнгын хорооны ажлын хэсгийн хуралдаанаар Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулна/цахим хэлбэрээр/;
   
4. 15:00 цагт Улсын онцгой комисс хуралдаанаас гарсан шийдвэрээ танилцуулна

Энэ өдөр дэлхийн түүхэнд: 

1. Өнөөдөр Чех болон словак улсад Эрх чөлөө, Ардчиллын төлөөх тэмцлийн өдөр тохиож байна.
2. 1988 оны энэ өдөр Америк гаралтай Солонгос дуучин Эрик Нам мэндэлжээ.
3. Өнөөдөр Оюутан, сурагчдын олон улсын өдөр тохиож байгаа юм байна.
4. 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
5. 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.
6. 2012 онд Египетэд нэгэн төмөр замын гарам дээр ноцтой осол гарч, 50 гаруй сургуулийн сурагчид амь насаа алджээ.