Өнөөдрийн тухай таны мэдэх ёстой 13 зүйл: “Нээлттэй шүүх” хэвлэлийн бага хурал болно

10 дугаар сарын 13-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 286 дахь өдөр бөгөөд он дуусахад 79 хоног үлдлээ.
2. Цаг агаар өдөртөө 1 хэмийн дулаан бол шөнөдөө -12 градус хүйтэн байх нь ээ. 
3. Билгийн тооллын 26, Их морь одтой, шарагчин үхэр өдөр. Өдрийн наран 7 цаг 09 минутад мандан, 18 цаг 08 минутад жаргана. Тухайн өдөр могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. 
4. Үс шинээр үргээлгэх буюу засуулбал жаргал үргэлжид ирэх сайн.
5. “Найман шарга” валют арилжааны төвд ам.долларын авах ханш 2,853.00 төгрөг, зарах нь 2856.00 төгрөг байна. Харин рублийн авах ханш 37.00, зарах ханш 37.80, юанийн авах ханш 426.00, зарах ханш 426.70, вонийн авах ханш 2.45, зарах ханш 2.47 төгрөг байна.

Өнөөдөр болох онцлох үйл явдлууд: 

1. 10.30 цагт ҮСХ-ноос 2020 оны эхний 9 сарын нийгэм, эдийн засгийн тоон мэдээллийг 1212.mn болон facebook-ийн “Үндэсний Статистикийн хороо” хуудсаар дамжуулан танилцуулна.
2. 11.00 цагт МҮЭХ-нд үйлдвэрчний эвлэлийн байгууллагаас Хөдөлмөрийн тухай хуулийн шинэчилсэн найруулгын төсөл, “Капитал” банкны дансанд байсан иргэдийн Нийгмийн болон Эрүүл мэндийн сангийн хөрөнгийн эрсдлийг бууруулах, өр төлбөрийг барагдуулах болон барилгын талбайд өдрөөр буюу цагийн ажил эрхэлж байгаа хүмүүсийн хөдөлмөрийн нөхцөлд үзлэг хийх талаар мэдээлнэ. Утас: 99027019
   
3. 11.00 цагт Шүүхийн ерөнхий зөвлөлд “Нээлттэй шүүх” хэвлэлийн бага хурал болно. Утас: 98980404
4. 12.00 цагт “Үндэсний мэдээллийн төв”-д  Эрдэнэс Тавантолгой компанийн туслан гүйцэтгэгч, “ТИ ТИ ЖИ ВИ СИ ӨҮ” ХХК-иас хууль бусаар халагдсан 10 ажилтан цаг үеийн асуудлаар мэдээлнэ.
   

Энэ өдөр дэлхийн түүхэнд: 

1. Өнөөдөр Тайланд улсад Цагдаагийн баяр тохиож байна.
2. 1995 оны энэ өдөр BTS хамтлагын гишүүн Jimin(Park Ji-Min) мэндэлжээ.
3. 1989 оны энэ өдөр Secret хамтлагын гишүүн Jeong Hyo-Sung мэндэлжээ.
4. 1990 онд Ливаны иргэний дайн төгсгөл болжээ.