Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 08-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 281 дахь өдөр бөгөөд он дуусахад 84 хоног үлдлээ.
- Цаг агаар өдөртөө 10 хэмийн дулаан бол шөнөдөө -5 градус хүйтэн байх нь ээ. Шөнөдөө цастай.
- Билгийн тооллын 21. Бархавадь гараг. Гөрөөсөн толгой одтой, хоёр хар мэнгэтэй хөх бич өдөр. Өдрийн наран 7 цаг 02 минутад мандан, 18 цаг 18 минутад жаргана. Хүйтэн шүүдэр буух улирал 5 цаг 16 минутанд эхэлнэ. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал, жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой.
- Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2856.00 төгрөг байна. Харин рублийн авах ханш 37.10, зарах ханш 37.60, юанийн авах ханш 423.00, зарах ханш 424.50, вонийн авах ханш 2.44, зарах ханш 2.46 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд УИХ-ын чуулган хуралдана.
- 09.00 цагт Туушин зочид буудалд "Цахим үндэстэн" форум болно. Утас: 94999598
- 11.00 цагт “Монгол ньюс” мэдээллийн төвд Хан-Уул дүүргийн иргэд тус дүүргийн Засаг даргын олгосон газрын зөвшөөрлийн талаар мэдээлнэ.
- 11.30 цагт ШУТИС-ийн хичээлийн I байранд "Инженер, технологийн дээд боловсрол" төслийн хүрээнд Япон улсад суралцах 50 оюутанд батламж гардуулах ёслол болно. Утас 11-315566, 80060849, 99832535
- 12.00 цагт Хэвлэлийн хүрээлэнд Сүхбаатар дүүргийн ИТХ-ын сонгуульд ХҮН-аас нэр дэвшигч Л.Ану-Үжингийн сонгуулийн штабаас цаг үеийн асуудлаар мэдээлнэ.
- 12.00 цагт ГССҮТ-д "Төвлөрсөн ариутгалын тасгийн барилгын их засвар, тоног төхөөрөмжийн шинэчлэл"-ийн нээлт болно.Утас: 99797227, 88108953
- 13.30 цагт ГХЯ-нд “Монгол Улс, БНСУ-ын түншлэлийн харилцаа-30 жил” сэдэвт эрдэм шинжилгээний бага хурал, гэрэл зургийн үзэсгэлэнгийн нээлт болно. Утас: 91118403
- 15.00 цагт ЭМЯ-нд Монголын Улаанзагалмайн нийгэмлгээс коронавирусний 10 мянган оношлуур хандивлана.
Энэ өдөр дэлхийн түүхэнд:
- 2009 онд АНУ-ын Ерөнхийлөгч Барак Обама Нобелийн энх тайвны шагналыг хүртжээ.
- 1963 онд Вайот усан цахилгаан станцын усан савд хөрсний гулгалтаас үүссэн 90 метр өндөртэй давлагаанд Лонгарон хот усанд автжээ. Ойролцоогоор 3 мянган хүн амь үрэгдсэн байна.
- 1940 оны энэ өдөр “Битлз” хамтлагийн гишүүн Жон Леннон төржээ.
- 1874 онд Дэлхийн шуудангийн холбоо байгуулагджээ.
- 1824 онд Коста-Рикад боолчлолыг халжээ.
- 1780 онд Атлантикийн түүхэнд хамгийн их сүйрэл дагуулсан хар шуурга дэгджээ. 10 хоногийн дотор 22 мянган хүн амь үрэгджээ.
