Өнөөдрийн тухай таны мэдэх ёстой 23 зүйл: Хувиараа тээвэр эрхлэгчдийн үйлдвэрчний эвлэлийн нэгдсэн хорооноос цаг үеийн асуудлаар мэдээлнэ

Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

10 дугаар сарын 07-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 280 дахь өдөр бөгөөд он дуусахад 85 хоног үлдлээ.
2. Цаг агаар өдөртөө 14 хэмийн дулаан бол шөнөдөө -5 градус хүйтэн байх нь ээ. Шөнөдөө цастай.
3. Билгийн тооллын 20. Буд гараг. Чөлөөт эх одтой, гурван хөх мэнгэтэй харагчин хонь өдөр. Өдрийн наран 6 цаг 00 минутад мандан, 18 цаг 20 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу.Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. 

4. Үс шинээр үргээлгэх буюу засуулахад тохиромжгүй бөгөөд өлсөж ундаасна хэмээжээ.
   
5. “Найман шарга” валют арилжааны төвд ам.долларын авах ханш 2,853.00 төгрөг, зарах нь 2855.00 төгрөг байна. Харин рублийн авах ханш 37.30, зарах ханш 37.80, юанийн авах ханш 424.00, зарах ханш 425.50, вонийн авах ханш 2.44, зарах ханш 2.46 төгрөг байна.

Өнөөдөр болох онцлох үйл явдлууд:  

1. 10.00 цагт УЕПГ-т прокурорын байгууллагын 2020 оны 3 дугаар улирлын хяналтын ажил, олны анхаарал татсан эрүүгийн хэргүүдийн шийдвэрлэлтийн талаар мэдээлнэ.
2. 10.00 цагт “Бишрэлт” зочид буудалд “Цацрагийн хамгаалалт, аюулгүй байдлын хяналт шалгалтыг бэхжүүлэх нь” хурал болно. Утас: 91989890, 99094993
3. 10.00 цагт БХЯ-нд "Эрүүл мэндийн үзлэг" зөвлөгөөн болно. Утас: 11325044
4. 10.00 цагт Үндсэн хууль танхимд УИХ-ын дарга Г.Занданшатар, УИХ-ын Инновац цахим бодлогын байнгын хорооны дарга Н.Учрал нар Төрийн цахим шилжилтийн хүрээнд УИХ-ын Тамгын газар "Цаасгүй парламент"-д шилжих талаар мэдээлнэ.
5. 10.00 цагт “Жанжин Д.Сүхбаатар” танхимд Боловсрол, соёл, шинжлэх ухаан, спортын байнгын хороо хуралдана.
6. 11.00 цагт “Эрдэм” цамхагт ШИНЭН-ын удирдлагууд цаг үеийн асуудлаар мэдээлнэ.
7. 11.00 цагт Сүхбаатарын талбайд Монгол, Беларусь улсын Засгийн газрын экспортын зээлийн ерөнхий хэлэлцээрийн хүрээнд онцгой байдлын байгууллагад гал унтраах 40 автомашин хүлээлгэн өгнө. Утас: 99007969, 99249813, 86150069
8. 11.00 цагт ЭМЯ-наас коронавирусний нөхцөл байдлын талаар цахимаар мэдээлнэ.
9. 11.30 цагт “Үндэсний мэдээллийн төв”-д Монгол үндэсний хүний эрх иргэдийн хяналтын хороо, Хувиараа тээвэр эрхлэгчдийн үйлдвэрчний эвлэлийн нэгдсэн хорооноос цаг үеийн асуудлаар мэдээлнэ.
10. 13.00 цагт “Blue Sky” зочид буудалд “Жижиг дунд бизнес эрхлэгчдийг дэмжих зөвөлгөөн” болно. Утас: 88109320
11. 13.30 цагт Хан-Уул дүүргийн ЗДТГ-т “Нэхүүл” хөдөлгөөнөөс тус дүүрэгт хууль бусаар олгосон газруудын талаар мэдээлнэ6
    
12. 14.00 цагт “Жанжин Д.Сүхбаатар” танхимд Байгаль орчин, хүнс, хөдөө аж ахуйн байнгын хороо хуралдана.

Энэ өдөр дэлхийн түүхэнд:

1. Өнөөдөр Лаос улсад Багш нарын баярын өдөр тохиож байна. 
2. 1959 оны энэ өдөр "X factor", "British got talent" зэрэг шоу нэвтрүүлгийн шүүгч, "Английн продюсер Simon Cowell мэндэлжээ.
   
3. 1996 онд Америкийн алдарт телевизийн суваг болох "Fox News Channel" нэвтрүүлгээ цацаж эхэлжээ.
   
4. 1985 онд Пуэрто-Рикод болсон үерийн улмаас 200 орчим хүн амь насаа алджээ.
5. 1977 онд Зөвлөлтийн дөрөв дэх Үндсэн хуулийг батлав.
6. 1963 онд Ерөнхийлөгч Кеннеди "Цөмийн туршилтыг хэсэгчлэн хориглох тухай гэрээ"-нд гарын үсэг зуржээ.