Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 06-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 279 дахь өдөр бөгөөд он дуусахад 86 хоног үлдлээ.
- Цаг агаар өдөртөө 8 хэмийн дулаан бол шөнөдөө -2 градус хүйтэн байх нь ээ. Шөнөдөө цастай.
- Аргын тооллын 10 сарын 6, Ангараг гараг. Билгийн тооллын давхарласан 19, Нэгэн эхийн зургаан хөвгүүн одтой, хар морь өдөр. Өдрийн наран 6 цаг 59 минутад мандан, 18 цаг 22 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лусыг тахих, андгай тангараг, гэрээ, хэлцлээ буцаахадад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Тэрсүүд өдөр.
- Үс шинээр үргээлгэх буюу засуулбал “Сайн нөхөртэй учирах” хэмээх сайн
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2855.00 төгрөг байна. Харин рублийн авах ханш 37.20, зарах ханш 38.00, юанийн авах ханш 420.00, зарах ханш 423.00, вонийн авах ханш 2.42, зарах ханш 2.43 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд “Уул уурхай ба оюун ухаан-Байгалийн баялгийн өгөөжийг институци болон хүний хөгжилд чиглүүлэх нь” сэдэвт тайлангийн дүгнэлт болон зөвлөмжийн хэлэлцүүлэг болно.
- 09.00 цагт Төрийн ордонд “Их Эзэн Чингис хаан” танхимд Хууль зүйн байнгын хороо хуралдана.
- 10.00 цагт Нийслэлийн үйлчилгээний нэгдсэн төвийн Дүнжингарав салбарт байрлаж буй Хөдөлмөр эрхлэлтийг дэмжих төвд Нээлттэй ажлын байрны өдөрлөг болно.
- 10.30 цагт “Монгол ньюс” мэдээллийн төвд НИТХ-ын сонгуульд МАН, АН, МАХН -аас нэр дэвшигчид “Ухаалаг буухиа автобус” системийн судалгааны ажлын тайланг танилцуулна.
- 10.30 цагт “Холидэй Инн” зочид буудалд “Вэбсайт болон автоматжуулсан мэдээллийн сан”-гийн нээлт болно.
- 11.00 цагт ГХЯ-нд Гадаад харилцааны сайд Н.Энхтайвангийн урилгаар Япон улсын Гадаад хэргийн сайд Мотэги Тошимицү Монгол Улсад албан ёсоор айлчлах талаар мэдээлнэ.
- 11.00 цагт “Үндсэн хууль”танхимд Нийгмийн бодлогын байнгын хороо хуралдана.
- 11.00 цагт Үндэсний мэдээллийн төвд Дархан-Уул аймгийн Ардчилсан намаас орон нутгийн сонгуулийн явцын талаар мэдээлнэ.
- 11.30 цагт үндэсний мэдээллийн төвд Монголын нэгдсэн хөдөлгөөнөөс Төв цэвэрлэх байгууламжаас гарч байгаа бохир уснаас тогтсон хиймэл нууранд хийсэн лабораторийн шинжилгээгээр ноцтой дүгнэлт гарсан талаар мэдээлэл хийнэ.
- 11.40 цагт Сонгинохайрхан дүүрэгт байрлаж буй “Нарны Хүүхдүүд” цэцэрлэгт “Нарны Хүүхдүүд” хандивын аяны талаар мэдээлнэ.
- 14.30 цагт Харааны бэрхшээлтэй хүүхдийн 116 дугаар сургуульд тус сургуулийн захирлын хууль бус үйлдлийн талаар багш, ажилтнууд мэдээлнэ.
- 16.00 цагт Оросын шинжлэх, ухаан соёлын төвд “Фронт” хэмээн алдаршсан С.Цэгмидэд ОХУ-ын Төрийн дээд шагнал “Бүх ард түмнүүдийн найрамдлын одон” гардуулна.
Энэ өдөр дэлхийн түүхэнд:
- Өнөөдөр Шри Ланк улсад Багш нарын өдөр тохиож байна.
- Мөн өнөөдөр Сансрын долоо хоног үргэлжилж байна.
- 1927 онд Америкийн алдарт хөгжимт жүжиг болох "The Jazz Singer" цувралын эхний хэсэг гарчээ.
- 1987 онд Фижи улс Бүгд найрамдах засаглалтай болжээ.
- 1979 онд II пап лам АНУ-ын Цагаан ордонд зочилсон анхны пап лам болж байжээ.
