Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 05-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 278 дахь өдөр бөгөөд он дуусахад 87 хоног үлдлээ.
- Цаг агаар өдөртөө 7 хэмийн дулаан бол шөнөдөө -2 градус хүйтэн байх нь ээ. Шөнөдөө цастай.
- Билгийн тооллын шинийн 19. Сумъяа гараг. Нэгэн эхийн зургаан хөввгүүүн одтой, таван шар мэнгэтэй цагаагчин могой өдөр. Өдрийн наран 6 цаг 57 минутад мандан, 18 цаг 24 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн.Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх гөлөг тэжээх, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой.
- Үс шинээр үргээлгэх буюу засуулбал "Сайн нөхөртэй учирах" хэмээх сайн хэмээжээ.
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2855.00 төгрөг байна. Харин рублийн авах ханш 37.20, зарах ханш 38.00, юанийн авах ханш 420.00, зарах ханш 423.00, вонийн авах ханш 2.42, зарах ханш 2.43 төгрөг байна.
Өнөөдөр болох онцлох үйл явдлууд:
- Төрийн ордонд УИХ дахь намын бүлгүүд хуралдана.
- 10.00 цагт Монголын хөрөнгийн биржид "Үндэсний Хувьчлалын Сан"-гийн нээлт болно.
- 11.00 цагт ЭМЯ-наас коронавирусний нөхцөл байдлын талаар цахимаар мэдээлнэ.
- 11.00 цагт Сүхбаатар дүүргийн шүүхийн гадна талбайд хуульч Н.Ариунболд сайжруулсан шахмал түлшийг зөвхөн стандартад нийцсэн зууханд түлэх стандартын талаар мэдээлнэ. Утас:93205233
- 11.00 цагт “Blue Sky” зочид буудалд Экологийн цагдаагийн албанаас “Цэнхэр алт усаа хайрлая” өдөрлөг зохион байгуулна.
- 11.00 цагт “Novotel” зочид буудалд "Монголын Худалдаачдын Холбоо"-ний ээлжит бус их хурал болно.
- 11.00 цагт “Norphei Art Gallery”-д “Монголын архитектур өнөө цагт-2020” үзэсгэлэнгийн нээлт болно.
- 11.40 цагт Төрийн ордонд Монгол Улсын Ерөнхийлөгч Х.Баттулга төрийн дээд одон, медаль гардуулна.
- 12.00 цагт “Аз хур” номын их дэлгүүрт СУИС-ийн багш нарын 6 номын нээлт болно.
- 12.30 цагт Төрийн ордонд Монгол Улсын Ерөнхийлөгч Х.Баттулга Төв, Говьсүмбэр аймгийн ээж нарт "Эхийн алдар" одон гардуулна.
Энэ өдөр дэлхийн түүхэнд:
- Дэлхийн багш нарын баярын өдөр өнөөдөр тохиож байна.
- 1980 оны энэ өдөр Улсын начин Лувсанрагчаагийн Нямсүрэн мэндэлжээ.
- Мөн 1987 оны энэ өдөр T-Ara хамтлагын гишүүн Soyeon мэндэлжээ.
- Мөн өнөөдөр Болив улсад Инженерүүдийн баярын өдөр тохиож буй аж.
- 1962 онд "The Beatles" хамтлагийн анхны сингл цомог болох "Love Me Do" Их Британид худалдаанд гарч эхэлжээ.
