Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 02-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 275 дахь өдөр бөгөөд он дуусахад 90 хоног үлдлээ.
- Цаг агаар өдөртөө 3 хэмийн дулаан бол шөнөдөө -2 градус хүйтэн байх нь ээ. Шөнөдөө цастай.
- Билгийн тооллын шинийн 16. Сугар гараг. Дэлгэрүүлэгч одтой, найман цагаан мэнгэтэй шар бар өдөр. Өдрийн наран 6 цаг 53 минутад мандан, 18 цаг 30 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхэрийлүүштэй.
- Эл өдөр эе эвээ ололцох, хамтын хөдөлмөр эрхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зйүл авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр байшингийн суурь тавиулахад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой.
- Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2856.00 төгрөг байна. Харин рублийн авах ханш 36.30, зарах ханш 37.00, юанийн авах ханш 418.00, зарах ханш 419.30, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
1. 9-11 цагийн хооронд Blue sky зочид буудлын Даймонд хурлын танхимд БОАЖЯ-наас жил бүр уламжлал болгон зохион байгуулдаг “Ногоон технологи-2020” өдөрлөг болно.
2. 10.00 цагт НМХГ-ын 5 давхарт "Согтууруулах ундаагаар үйлчилдэг баар, цэнгээний газруудын короновируст халдвараас урьдчилан сэргийлэх арга хэмжээ авсан байдал"-д хийсэн шөнийн хяналт шалгалтын талаар мэдээлэл хийнэ. Утас:91887887
3. 10:30-12:30 цагийн хооронд “Цар тахлын үеийн редакцын бодлого ба өөрийн зохицуулалт” сэдэвт редакторуудын туршлага солилцох уулзалт, хэлэлцүүлэг Пума империал зочид буудалд болох юм.
4. 11:00 цагт MN-МЭДЭЭЛЛИЙН ТӨВ-д Ахмад төмөр замчид төмөр замын бүтээн байгуулалтын асуудлаар хэвлэлийн бага хурал хийнэ.
5. 14:00 цагт Шүүхийн практик” судалгааны тайлан танилцуулах уулзалт ХУУЛЬ ЗҮЙН ҮНДЭСНИЙ ХҮРЭЭЛЭН-гийн хурлын танхимд болно
Энэ өдөр дэлхийн түүхэнд:
- Өнөөдөр Итали улсад Өвөө нарын баярын өдөр тохиож байна.
- Мөн өнөөдөр Гвиней улсад Тусгаар тогтнолын өдөр тохиож байгаа аж.
- 1970 оны энэ өдөр Америкийн алдарт жүжигчин, ток шоуны хөтлөгч, телевизийн продюсер Kelly Ripa мэндэлжээ.
- Мөн 1869 оны энэ өдөр Махатма Ганди хэмээн алдаршсан Энэтхэгийн тусгаар тогтнолын төлөө тэмцэгч, улс төрч Мохандас Карамчанд Ганди мэндэлж байжээ. Түүний нөлөөгөөр Энэтхэг Британийн эзэнт гүрнээс 1947 онд салан тусгаарлаж, тусгаар тогтносон.
- 1970 онд АНУ-ын Вичита их сургуулийн хөлбөмбөгийн багынхны сууж явсан хөлөг онгоц Колорадо мужид осолдож, тус онгоцонд сууж явсан 31 хүн нас барж байжээ.
- 1996 онд Америкийн 42 дахь Ерөнхийлөгч Билл Клинтон "Мэдээллийн эрх чөлөөний тухай хуулийн нэмэлт өөрчлөлт"-д гарын үсэг зуржээ.
