Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 274 дахь өдөр бөгөөд он дуусахад 91 хоног үлдлээ.
- Цаг агаар өдөртөө 3 хэмийн дулаан бол шөнөдөө -2 градус хүйтэн байх нь ээ. Шөнөдөө цастай.
- Билгийн тооллын 15, Могойг хүлэгч одтой, улаагчин үхэр өдөр. Өдрийн наран 6 цаг 52 минутад мандан, 18 цаг 32 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой.
- Үс шинээр үргээлгэх буюу засуулбал өлзийтэй сайн.
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2856.00 төгрөг байна. Харин рублийн авах ханш 36.30, зарах ханш 37.00, юанийн авах ханш 418.00, зарах ханш 419.30, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.00 цагт Нийслэлийн Хэвлэл, мэдээллийн төвд НОБГ, НМХГ, Агаарын бохирдолтой тэмцэх газраас цаг үеийн асуудлаар мэдээлнэ.
- 10.00 цагт “Туушин” зочид буудалд “Бага насны хүүхдийн хөгжлийг дэмжих цогц бодлого” зөвлөлдөх уулзалт болно. Утас: 88008781
- 11.00 цагт Нийслэлийн Хэвлэл, мэдээллийн төвд нийслэлийн Аялал жуулчлалын газраас “Хуралдайн Наадам-Шонхорын баяр”-ын талаар мэдээлнэ.
- 11.00 цагт “Blue Sky” зочид буудалд "ДЭЛХИЙН ХУРИМТЛАЛЫН ӨДӨР-2020" аяны нээлт болно.
- 11.40 цагт “Туушин” зочид буудалд НҮБ-ын Хүн амын сангаас Монгол Улсад хэрэгжүүлэх “Оношлогоо, зайн тусламж үйлчилгээний хүртээмжийг нэмэгдүүлэх” төслийн нээлт болно. Утас: 99984729
- 12.00 цагт Нийслэлийн Ардчилсан намаас өөрийн байрандаа цаг үеийн асуудлаар мэдээлнэ. Утас: 88116743
- 12.00 цагт Баянзүрх дүүргийн 11 дүгээр хороонд байрладаг Оргидогийн рашаанд 10 мянган мод тарих "Түмэн мод Түмний буян" аяны нээлт болно. Утас: 99681983
- 14.30 цагт ГХЯ-нд “Монголын кино урлаг 2020” анхдугаар чуулга уулзалт болно.
Төрийн ордонд
- 09.00 цагт Монгол Улсын Их Хурлын 2020 оны намрын ээлжит чуулганы нээлт болно.
- УИХ дахь МАН болон АН-ын бүлэг хуралдана.
- 14.00 цагт “Жанжин Д.Сүхбаатар” танхимд Эдийн засгийн байнгын хороо хуралдана.
- 15.00 цагт “Их Эзэн Чингис хаан” танхимд Төрийн байгуулалтын байнгын хороо хуралдана.
- 15.30 цагт “Үндсэн хууль” танхимд Хууль зүйн байнгын хороо хуралдана.
Энэ өдөр дэлхийн түүхэнд:
- Өнөөдөр Дэлхийн веган буюу ногоон хоолтнуудын өдөр тохиож байна.
- Мөн Олон улсын Ахмадуудын баяр тохиож буй.
- Узбекстан улсад Багш нарын баярын өдөр тохиож байна.
- 1971 онд Walt Disney World Флорида мужид нээлтээ хийжээ.
- 1979 онд II Пап лам Жон Паул гадаад дахь айлчлалаа АНУ-аас эхэлж байжээ.
