Өнөөдөр Улаанбаатар хотод +16 градус дулаан, бага зэргийн аадар бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 244 дахь өдөр бөгөөд он дуусахад 121 хоног үлдлээ.
- Цаг агаар өдөртөө 16 хэмийн дулаан бол шөнөдөө 5 градус дулаан байх нь ээ. Өдөртөө бага зэргийн аадар бороо орох гэнэ.
- Билгийн тооллын 14, Тооно одтой, улаагчин хонь өдөр. Өдрийн наран 6 цаг 11 минутад мандан, 19 цаг 34 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой.
- Үс шинээр үргээлгэх буюу засуулбал эд, мал арвидна.
- “Найман шарга” валют арилжааны төвд ам.долларын авах ханш 2,853.00 төгрөг, зарах нь 2856.00 төгрөг байна. Харин рублийн авах ханш 38.00, зарах ханш 38.80, юанийн авах ханш 415.30, зарах ханш 416.00, вонийн авах ханш 2.42, зарах ханш 2.43 төгрөг байна.
Өнөөдөр болох онцлох үйл явдлууд:
- 08:00 цагт Өнөөдөр улс даяар ЕБС, цэцэрлэгийн үйл ажиллагаа эхэлнэ
- 11.00 цагт ЭМЯ "COVID-19"-ийн халдварын гадаад дотоод дахь нөхцөл байдлын талаар ээлжит мэдээллээ цахимаар танилцуулж хийнэ.
Энэ өдөр дэлхийн түүхэнд:
- Өнөөдөр Польш улсад Цагаан хоолны өдөр тохиож байна.
- Тайван улсад Сэтгүүлчдийн эрхийг хамгаалах өдөр тохиож байгаа аж.
- 1997 оны энэ өдөр БНСУ-ын алдарт BTS хамтлагийн гишүүн, дуучин Jungkook (Jeon Jung-Guk) мэндэлжээ.
- Мөн өнөөдөр ОХУ болон Украйн улсад Мэдлэгийн өдөр тохиож байна.
- Түүнчлэн өнөөдөр Монгол Улсад "Эх хэлний өдөр" тохиож байна.
