Өнөөдөр Улаанбаатар хотод +18 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 28-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 240 дахь өдөр бөгөөд он дуусахад 125 хоног үлдлээ.
- Цаг агаар өдөртөө +18 градусын дулаан, бага зэргийн бороотой бол шөнөдөө +10 градус дулаан, үүлшинэ.
- Билгийн тооллын 10. Сугар гараг. Суулга одтой, долоон улаан мэнгэтэй харагчин туулай өдөр. Өдрийн наран 6 цаг 05 минутад мандан, 19 цаг 42 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эрч, хүч ихсэнэ хэмээжээ.
- “Найман шарга” валют арилжааны төвд ам.долларын авах ханш 2853.00 төгрөг, зарах нь 2856.00 төгрөг байна. Харин рублийн авах ханш 38.00, зарах ханш 38.80, юанийн авах ханш 415.30, зарах ханш 416.00, вонийн авах ханш 2.42, зарах ханш 2.43 төгрөг байна.
Өнөөдөр болох онцлох үйл явдлууд:
- 09.00 цагт УИХ-ын ээлжит бус чуулганы нэгдсэн хуралдаан болно.
- 09.00 цагт Монгол Улсын Шадар сайдын ахалдаг “Газар хөдлөлтийн гамшгаас урьдчилан сэргийлэх байнгын ажиллагаатай зөвлөл”-ийн ээлжит хурал Гамшгаас хамгаалах сургалт аргазүйн төвд /"Алтай" хотхоны баруун талд/ болно. Харилцах утас:86150069, 88249813, 88325599
- 09.00 цагт "Чингис хаан" зочид буудалд Монголын Эх барих, эмэгтэйчүүдийн эмч нарын холбооноос "COVID-19"-ийн үед эх, нярайд үзүүлэх эрүүл мэндийн тусламж-үйлчилгээ" зөвлөгөөнийг нийслэлийн оролцогч нарт зохион байгуулна. Утас: 99295970.
- 10.00 цагт НМХГ-аас хичээлийн шинэ жилийн бэлтгэлийн хяналт шалгалтын талаар мэдээлнэ. Холбогдох утас:91887887.
- 11.00 цагт ЭМЯ "COVID-19"-ийн нөхцөл байдлын талаар ээлжит мэдээллээ хийнэ.
- 12.00 цагт БОАЖЯ-нд Орчны бохирдлыг бууруулах Үндэсний хорооноос зарлаж буй “Яндангаа хөөлье” аяны талаар БОАЖ-ын сайд Д.Сарангэрэл мэдээлнэ. Утас: 99153766, 91965599.
- 14.30 цагт Нийслэлийн Засаг даргын Тамгын газарт НОСК "ХАС" банкны удирдлага "Ногоон орон сууц" төслийн санамж бичигт гарын үсэг зурна. Утас: 88104671.
- 14.00-15.00 цагт Урчуудын эвлэлийн үзэсгэлэнгийн танхим Увс аймгийн зураач, урчуудын нэгдсэн "Чандмань-2020" үзэсгэлэн нээгдэнэ.
Энэ өдөр дэлхийн түүхэнд:
- Энэ өдөр Мексикт өвөө нарын өдөр тохиож байна.
- 1969 оны энэ өдөр Канадын хоккейн тоглогч Pierre Turgeon мэндэлжээ
- 1970 оны энэ өдөр Германы дуучин Melina Aslanidou мэндэлжээ.
- 2016 оны энэ өдөр АНУ-ын мэргэжлийн бөх Mr. Fuji таалал төгссөн.
- 2017 оны энэ өдөр Францын жүжигчин, загвар өмсөгч Mireille Darc таалал төгсжээ.
