Өнөөдрийн тухай таны мэдэх ёстой 15 зүйл: БОАЖЯ-наас цаг үеийн мэдээлэл хийнэ

Өнөөдөр Улаанбаатар хотод +22 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Өнөөдөр 8 дугаар сарын 26-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 238 дахь өдөр бөгөөд он дуусахад 127 хоног үлдлээ.
   
2. Цаг агаар өдөртөө +22 градусын дулаан, бага зэргийн бороотой бол шөнөдөө +11 градус дулаан, үүлшинэ.
3. Билгийн тооллын 8. Буд гараг. Онгоц одтой, есөн улаан мэнгэтэй цагаагчин үхэр өдөр. Өдрийн наран 6 цаг 03 минутад мандан, 19 цаг 45 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн.
   

Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар,  туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал нас уртадна хэмээжээ.

4. “Найман шарга” валют арилжааны төвд ам.долларын авах ханш 2852.00 төгрөг, зарах нь 2854.00 төгрөг байна. Харин рублийн авах ханш 39.00, зарах ханш 39.70, юанийн авах ханш 413.50, зарах ханш 414.50, вонийн авах ханш 2.42, зарах ханш 2.44 төгрөг байна.

Өнөөдөр болох онцлох үйл явдлууд:

1. 09.00 цагт Төрийн ордонд УИХ-ын байнгын хороод хуралдана.
2. 10.00 цагт “Чингис” зочид буудалд Монголын Эх барих, эмэгтэйчүүдийн эмч нарын холбооноос зохион байгуулж буй “Корона вируст халдварын үед эх, нярайнд үзүүлэх эрүүл мэндийн тусламж-үйлчилгээ” зөвлөгөөн эхэлнэ. Утас:99295970
   
3. 11.00 цагт ЭМЯ-нд “COVID-19”-ийн цар тахлын нөхцөл байдлын талаар мэдээлнэ
4. 12.00 цагт БОАЖЯ-нд самар түүхтэй холбоотой цаг үеийн мэдээлэл хийнэ. Утас: 99153766, 91965599.
5. 15.00 цагт Засгийн газрын 11-р байранд ХЭҮК Монголын Сайтуудын холбоотой хамтран ажиллах Санамж бичигт гарын үсэг зурна. Утас: 80050100.
6. 15.00 цагт УДЭТ-ын өмнөх талбайд соёл, урлагийн байгууллагууд нээлттэй өдөрлөг зохионо.

Энэ өдөр дэлхийн түүхэнд: 

1. Өнөөдөр бол Папуа Шинэ Гвиней улсын Тусгаар тогтносон өдөр.
2. Мөн өнөөдөр АНУ-д Эмэгтэйчүүдийн тэгш эрхийн өдөр тохиож байгаа юм байна.
3. 1978 онд Albino Luciani I пап ламаар сонгогджээ.
4. 1999 онд Орос улс Чичений II дайныг эхлүүлжээ.
5. 2002 онд Өмнөд Африкт Дэлхийн дээд хэмжээний уулзалт эхэлжээ.