Өнөөдөр Улаанбаатар хотод +22 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 25-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 237 дахь өдөр бөгөөд он дуусахад 128 хоног үлдлээ.
- Цаг агаар өдөртөө +22 градусын дулаан, бага зэргийн бороотой бол шөнөдөө +11 градус дулаан, үүлшинэ.
- Билгийн тооллын 7. Ангараг гараг. Хонгорцог одтой, нэг цагаан мэнгэтэй цагаан хулгана өдөр. Өдрийн наран 6 цаг 01 минутад мандан, 19 цаг 47 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлгө тавих ,морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Модон хохимой өдөр. Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2852.00 төгрөг, зарах нь 2854.00 төгрөг байна. Харин рублийн авах ханш 39.00, зарах ханш 39.70, юанийн авах ханш 413.50, зарах ханш 414.50, вонийн авах ханш 2.42, зарах ханш 2.44 төгрөг байна.
Өнөөдөр болох онцлох үйл явдлууд:
- 09:00 цагт: Монголын залуучуудын эвслээс НҮБ-ын Хүн амын сангийн хамтын дэмжлэгтэй “Залуучуудын иргэний нийгмийн IV чуулган"-ыг зохион байгуулна. Утас: 95973379, 89770112.
- 09.00 цагт Төрийн ордонд УИХ-ын байнгын хороод хуралдана
- 10.00 цагт УОК-ын ээлжит хуралдаан болно.
- 11.00 цагт ЭМЯ-наас шинэ корона вирусний нөхцөл байдлын талаар ээлжит мэдээлэл хийнэ.
- 14:00 цагт: "Хүйсийн тэгш эрхийн төв" ТББ-аас сэтгүүлчдэд Жендэрт суурилсан хүчирхийлэлтэй тэмцэх, урьдчилан сэргийлэх талаар мэргэшүүлэх сургалт зохион байгуулна.
Энэ өдөр дэлхийн түүхэнд:
- Өнөөдөр Бразил улсад Цэргийн баяр тохиож байна.
- Мөн өнөөдөр бол Уругвай улсын Тусгаар тогтносон өдөр.
- 1980 онд Зимбабве улс НҮБ-д нэгджээ.
- 1981 онд НАСА-гийн Voyager 2 сансрын хөлөг Санчир гариг хамгийн ойр дөхөж очжээ.
