Өнөөдөр Улаанбаатар хотод +22 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 231 дахь өдөр бөгөөд он дуусахад 134 хоног үлдлээ.
- Цаг агаар өдөртөө +22 градусын дулаан, бага зэргийн бороотой бол шөнөдөө +9 градус дулаан, үүлшинэ.
- Билгийн тооллын битүүн. Буд гараг. Их морь одтой, долоон улаан мэнгэтэй хөх морь өдөр. Өдрийн наран 5 цаг 53 минутад мандан, 19 цаг 59 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2851.00 төгрөг, зарах нь 2854.00 төгрөг байна. Харин рублийн авах ханш 39.10, зарах ханш 39.70, юанийн авах ханш 412.00, зарах ханш 413.00, вонийн авах ханш 2.41, зарах ханш 2.42 төгрөг байна.
Өнөөдөр болох онцлох үйл явдлууд:
- 09:00 цагт: Эх, хүүхдийн эрүүл мэндийн төв (ЭХЭМҮТ)-ийн 90 жилийн ойн хүрээнд тус эмнэлгийн нарийн мэргэжлийн эмч нар “Өнөр бүл” төвийн 170 орчим хүүхдэд эрүүл мэндийн үзлэг, оношилгоо хийнэ. Холбогдох утас: 8811-1757
- 09:00 цагт: Нийслэлийн Засаг даргын Тамгын газар, Монголын хуульчдын холбооноос зохион байгуулж буй хууль зүйн зөвлөгөө өгөх өдөрлөг болно.
- 11:00 цагт: "COVID-19" халдварын нөхцөл байдлын талаар ЭМЯ-наас ээлжит мэдээлэл хийнэ.
- 11:00 цагт: НӨАТ-ын хуулийн хэрэгжилтийг сайжруулах арга хэмжээний талаар Татварын ерөнхий газрын удирдлагууд мэдээлэл өгнө.
- 11:00 цагт: Улаанбаатар дахь Оросын Шинжлэх ухааны, соёлын төвөөс Дэлхийн гэрэл зургийн өдрийг тохиолдуулан "Ховор агшин" гэрэл зургийн уралдааны шилдэг бүтээлүүдийг дэлгэсэн үзэсгэлэнг нээнэ.
- 11:30 цагт: “Нутгийн буян” группээс Монгол Улсын заан М.Бадарчид хүндэтгэл үзүүлнэ.
Энэ өдөр дэлхийн түүхэнд:
- 1839 онд Луис Дагерерын нэгдүгээр практик гэрэл зургийн үйл явцын талаархи дэлгэрэнгүй мэдээлэл Парист гарав.
- 1942 оны дэлхийн хоёрдугаар дайн: Франц руу довтлоход Канад, Британийн 4000 гаруй цэрэг алагдаж, шархдсан цэргүүд олзлогдож байжээ.
- 1988 онд Иран, Иракийн найман жилийн түүхтэй дайнд гал зогсоох ажлыг эхлүүлж байсан байна.
- 2010 онд Иракийн эрх чөлөөний ажиллагаа дуусч, АНУ-ын баригадын байлдааны багууд Кувейт руу хил давжээ.
- МЭӨ 43 оны сүүлээр Октавиан хэмээн алдаршсан Ромын Сенатыг Консулаар сонгохыг албадав.
