Өнөөдөр Улаанбаатар хотод +19 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 17-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 229 дахь өдөр бөгөөд он дуусахад 136 хоног үлдлээ.
- Цаг агаар өдөртөө +19 градусын дулаан, бага зэргийн бороотой бол шөнөдөө +12 градус дулаан, үүлшинэ.
- Билгийн тооллын 28. Сумъяа гараг. Найралт эх одтой, есөн улаан мэнгэтэй хар луу өдөр. Өдрийн наран 5 цаг 50 минутад мандан, 20 цаг 02 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн.Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2849.00 төгрөг, зарах нь 2852.00 төгрөг байна. Харин рублийн авах ханш 39.00, зарах ханш 39.70, юанийн авах ханш 410.50, зарах ханш 411.20, вонийн авах ханш 2.39, зарах ханш 2.40 төгрөг байна.
Өнөөдөр болох онцлох үйл явдлууд:
- 09.00 цагт Нийслэлийн "Хангарди" ордонд нийслэлийн 2019-2020 оны өвөлжилтийн дүн, 2020-2021 өвөлжилтийн бэлтгэх хангах тухай захирамжийн хэрэгжилтийг хэлэлцэх хуралдаантай.
- 10.30 цагт ҮСХ-ноос 2020 оны эхний 7 сарын нийгэм, эдийн засгийн тоон мэдээлэл хүргэх хэвлэлийн хурал цахимаар болно.
- 11.00 цагт ЭМЯ шинэ коронавирусний нөхцөл байдлын талаар ээлжит мэдээллээ хийнэ.
Энэ өдөр дэлхийн түүхэнд:
- 1712 оны энэ өдөр Дани, Шведийн хооронд тэнгисийн хүчний асар том тулаан болжээ.
- 1771 оны энэ өдөр Английн эрдэмтэн Ж.Пристли фотосинтезийг нээжээ.
- 1866 оны энэ өдөр Бадены Их вант Германы Холбооноос гарч буйгаа мэдэгдэн, Прусстэй энхийн гэрээ тогтоожээ.
- 1892 оны энэ өдөр Орос, Франц цэргийн нууц гэрээ байгуулжээ.
- 1896 оны энэ өдөр Брижет Дрискол гэгч машинд дайруулсан анхны хохирогч болжээ.
- 1903 оны энэ өдөр Жозеф Пулитцер өөрийн нэрэмжит шагналыг байгуулжээ.
- 1914 оны энэ өдөр Дэлхийн нэгдүгээр дайны Сталлупёнены тулалдаан болжээ. Энэ тулалдаанд Герман фон Франсуагаар удирдуулсан Германы арми Пауль фон Ренненкампфаар удирдуулсан Оросын цэргийн бут цохижээ.
- 1916 оны энэ өдөр румын улс Антантын орнуудтай нууц гэрээ байгуулжээ. Гэрээгээр Румын улс холбоотнуудын талд дайнд оролцохоор болжээ.
- 1945 оны энэ өдөр Индонез тусгаар тогтнолоо зарлажээ.
