Олон улсын дугуйн холбоо гишүүн орнуудынхаа чансааг шинэчлэн гаргажээ. Дэлхийн чансааг Бельги улс тэргүүлж, Словени, Испани, Франц, Дани удаалав. Өмнөх чансаатай харьцуулахад эхний таван байрт жагссан улсууд өөрчлөгдөөгүй. Нидерланд, Австрали улс байраа ахиулж VI, VII-т бичигджээ. Азийн АШТ-ийг нутагтаа зохион байгуулсан Тайланд улс байраа 13-аар ахиулснаар 38-д эрэмбэлэгдлээ. Монголын дугуйн холбоо 1062.1 оноотой дэлхийд 39, тивдээ дөрөвт жагсаж буй. Манай тамирчид тивийн тэмцээнд амжилттай оролцсон үзүүлэлтээр өмнөд хөршийн өмнө бичигдэв.
