Бахрейн улсад зохион байгуулж буй өсвөр үеийнхний Азийн далайн бүсийн талбайн теннисний урьдчилсан шатны тэмцээнд Монголын баг ур чадвараа сорьж байна. Тус тэмцээнд оролцсон 18 улсын тамирчид зургаан хэсэгт хуваагдсанаас манайхан B хэсэгт Ливан, Йордан улсын багтай тоглосон. Манай охидын баг хэсгийн эхний тоглолтоо Йордан улсын тамирчидтай өрнүүлж, 2:1-ээр хожжээ. Ганцаарчилсан тоглолтод А.Энхжин 0:6, 0:6, А.Энхзаяа 6:0, 6:0 оноотой тэмцээнээ үргэлжлүүлсэн. Тэд хосын тоглолтод 6:2, 5:7 (10:8) оноо авчээ. Монголын баг Ливан улсын тамирчидтай өнөөдөр тоглоно.
