Үерт өртсөн аж ахуйн нэгжүүдийн төлөөлөл хохирлыг нь барагдуулахыг шаардав
Их хэмжээний аадар борооны улмаас усанд автсан аж ахуйн нэгжүүдийн төлөөлөл төв талбайд өчигдөр тайван жагсаал хийж, холбогдох албаныханд шаардлага хүргүүллээ. Тодруулбал, өнгөрөгч оны 7-8 дугаар сард нийслэлийн 70 орчим хороо, 200 гаруй орон сууц, хашаа үерт өртөж, 40 мянга гаруй өрх цахилгаангүй болж, иргэд эрүүл мэнд, эд хөрөнгөөрөө хохирсон билээ. Түүнээс хойш 10 гаруй сар өнгөрсөн ч иргэд, аж ахуйн нэгжүүдийн хохирлыг барагдуулаагүй байна. Тэдний төлөөлөл тухайн үед хохирлын хэмжээ, мөнгөн дүнгээ баримт бичигтэй нь холбогдох байгууллагад хүргүүлсэн ч одоо хүртэл ямар ч арга хэмжээ авч, хариу өгөөгүйг онцоллоо.
2024-06-12
Солонгос компаниуд метро барих төслийн зөвлөх үйлчилгээг үзүүлнэ
Улаанбаатар хотод их багтаамжийн нийтийн тээврийн хэрэгсэл “Метро” барих төсөлд зөвлөх үйлчилгээ үзүүлэгчээр БНСУ-ын "Dohwa Engineering", “Korea national railway”, “Korea railroad corporation” “Soosung Engineering” компаниудын хамтарсан түншлэл шалгарлаа.
2024-06-11
398 мянга гаруй цэцэг суулгажээ
Улаанбаатар хотын ногоон байгууламжийг нэмэгдүүлэхийн тулд энэ зун 99 байршилд 15 нэр, төрлийн 1.5 сая орчим цэцэг суулгахаар төлөвлөжээ. Ингэхдээ ихэвчлэн нийслэлийн авто замын томоохон уулзварууд болоод цэцэрлэгт хүрээлэн, хөшөө дурсгалын өмнөх талбайг цэцгээр чимж байгаа гэнэ. Үүнээс одоогоор 398 мянга гаруй цэцэг суулгажээ. Тухайлбал, мандарваа, тахиан залаа, хайтан, лили, алтан зул, хун цэцэг, хилэн цэцэг, алаг нүдэн, халганаа, астра, бербиния, энхэлгэнэ, хумсан зэрэг төрлийн цэцгийг сонгон хотын өнгө үзэмжийг сайжруулахад ашиглаж буй аж. Мөн нийтийн эзэмшлийн сул шороон хөрс бүхий талбайд нэг болон олон наст цэцгэн байгууламж бий болгохоор төлөвлөжээ.
2024-06-11
Болзошгүй үерийн аюулаас сэргийлээрэй
Өнөөдөр Улаанбаатар хот орчмоор дуу цахилгаантай бага зэргийн аадар орохыг ЦУОШГ-аас мэдээлсэн. Иймд болзошгүй үерийн аюулаас сэргийлэн дараах зөвлөмжийг хүргэж байна.
2024-06-10
Зэвсэгт хүчний эмэгтэй офицер нэгэн гэр бүлийг галаас аварлаа
Зэвсэгт хүчний 189 дүгээр ангийн холбоочин офицер, дэслэгч Б.Лхамсүрэн өчигдөр нэгэн гэр бүлийг галд өртөхөөс аварлаа. Хан-Уул дүүргийн 25 дугаар хорооны нутаг, Нисэхийн дэнжийн орчимд өчигдөр 05.00 цагийн үед явж байхдаа нэгэн айлын байшин, гэрээс утаа ихээр гарч буйг анзаарч хүрч очсон гэнэ. Гэтэл тухайн айлын байшингийн үүдний хэсэг, монгол гэрт нь гал гарч байсан тул гэр бүлийнхнийг сэрээн галын голомтоос холдуулж, онцгой байдлын болон эрүүл мэндийн байгууллагад дуудлага өгчээ.
2024-06-10
Нийслэлийн хэмжээнд гамшгийн шар түвшин тогтоолоо
Нийслэлийн Онцгой комиссын V хурал өнгөрсөн баасан гарагт болж, Улаанбаатар хотод гамшгийн шар түвшин тогтоохоор шийдвэрлэлээ. Нийслэлд ирэх долоодугаар сард олон жилийн дунджаас ахиу хур тунадас орох төлөвтэй гэнэ. Тэр дундаа дэлхийн уур амьсгалын өөрчлөлттэй холбоотойгоор гэнэтийн, ус ихтэй, аадар бороо орох төлөвтэй учир гамшгийн түвшин зарласан аж. Үүний хүрээнд үерийн хамгаалалтын барилга, байгууламж, борооны ус зайлуулах шугамыг шинэчилж, засварлахаар төлөвлөсөн байна.
2024-06-10
Богдхан уулыг булаацалдах шалтгаан
Тусгай хамгаалалттай газар нутгийг хуулийн дагуу дархан цаазат, байгалийн цогцолборт, дурсгалт, байгалийн нөөц газар гэдэг дөрвөн ангилалд хуваадаг. Үүн дээр хот, суурин газрын хязгаарлалтын бүс гэдэг тав дахь ангилал нэмэх төслийг БОАЖЯ-ныхан боловсруулж буй гэнэ.
2024-06-10
V сургуулийн уулзвараас Их сургуулийн гудамж хүртэлх замыг хаана
Чингэлтэй дүүрэг, IV хороо буюу V сургуулийн уулзвараас Их сургуулийн гудамж хүртэлх авто замыг 2024 оны зургадугаар сарын 08-ны өдрийн 23:00 цагаас 2024 оны зургадугаар сарын 10-ны өдрийн 06:00 цагийн хооронд хааж авто замын хэсэгчилсэн засвар, шинэчлэлтийн ажлыг хийнэ.
2024-06-08
Франц хэлтнүүдийн соёлыг түгээнэ
Нийслэлийн Аялал жуулчлалын газар, Монгол-Францын төвтэй хамтран франц хэлтэн орнуудын хэл, соёлыг түгээн дэлгэрүүлэх зорилгоор “Франц хэлтнүүдийн баяр”-ыг жил бүр уламжлал болгон зохион байгуулдаг.
2024-06-07
Зайсангийн нэг чигийн хөдөлгөөнийг маргаашнаас цуцална
Нийслэлийн Засаг даргын “Замын хөдөлгөөнийг зохион байгуулах талаар авах зарим арга хэмжээний тухай” 2023 оны гуравдугаар сарын 9-ний өдрийн захирамжийн хүрээнд Зайсан тойруу болон Дүнжингаравын замын зарим хэсгийг нэг чигийн хөдөлгөөнд оруулж, ХААИС-ийн зүүн хойд уулзварын хөдөлгөөн зохион байгуулалтыг өөрчлөхөөр шийдвэрлэсэн.
2024-06-07
Төв цэнгэлдэх хүрээлэнгийн суудлыг цөөлнө
Үндэсний их баяр наадмын бэлтгэл ажлын хүрээнд Төв цэнгэлдэх хүрээлэнгийн гадна, дотор талбайг засварлаж буй гэнэ. Тодруулбал, гадна талбайг ногоон байгууламж болгон тохижуулах ажлын хүрээнд усалгааны системийг суурилуулж байгаа аж. Тухайн хэсэгдэх авто угаалгын газар болон бетонон хашааг Монголын хөлбөмбөгийн холбоотой зөвшилцсөний үндсэн дээр буулгажээ. Чөлөөлсөн талбайд ногоон байгууламж байгуулж, теннис, хүүхдийн тоглоомын болон 3х3 сагсан бөмбөгийн талбай байгуулахаар төлөвлөжээ. Хүрээлэнгийн гадна талбайд ахь, зөвхөн баяр наадмын үеэр ашигладаг цахилгааны дэд станц, байшин, тулгуурт шон, ариун цэврийн байгууламж зэргийг буулган, шинэчилж буй гэнэ.
2024-06-06
“Гэртээ эрт харья” аяныг аравдугаар сар хүртэл үргэлжлүүлнэ
Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газраас “Гэртээ эрт харья” аян өрнүүлж байна. Аяныг энэ сарын 1-нээс эхлүүлсэн бөгөөд ирэх аравдугаар сарын 30 хүртэл үргэлжлүүлэх аж. Үүнд 21 аймаг, есөн дүүргийн газар, хэлтэс нэгдэж, цахим орчинд уриалга өрнүүлж буй. Зуны амралтаар хүүхдүүд гэртээ түлэгдэж, гэмтэх тохиолдол нэмэгддэг. Тиймээс эцэг, эхчүүд аль болох гэртээ эрт харьж, хүүхдүүддээ цаг гарган, хамтдаа тоглож, анхаарал, халамжаа сайжруулаасай гэсэн үүднээс уг аяныг өрнүүлсэн гэнэ
2024-06-06
