Пүрэв гарагт/2022.06.02/ хуралдсан ОПЕК+-ийн орнууд ирэх долдугаар сараас эхлэн газрын тосны олборлолтоо нэмэгдүүлэхээр тохиролцжээ.
"9-р сард төлөвлөсөн үйлдвэрлэлийн ерөнхий зохицуулалтыг хурдасгаж, 2022 оны 7, 8-р сард олборлолтын 0.432 сая баррель өсөлтийг жигд хуваарилна. Тиймээс 7-р сарын олборлолтыг өдөрт 0.648 сая торхоор нэмэгдүүлэх болно" гэж гаргасан шийдвэрт дурдсан байна. Дээрх шийдвэр нь өдөрт олборлох газрын тосны хэмжээг өмнөх төлөвлөгөөнөөс ойролцоогоор 200 мянган торхоор нэмэгдүүлэх юм. Мөн гүйцэтгэл муутай зарим орны хүсэлтийн дагуу өмнө нь үйлдвэрлэлийн хязгаарлалтыг биелүүлээгүй орнуудын нөхөн олговрын хугацааг 2022 оны арванхоёрдугаар сарыг дуустал сунгахаар шийдвэрлэжээ. Хоёрдугаар сарын сүүлээр Орос Украин руу довтолсноос хойш газрын тосны үнэ эрс өсөөд байгаа бөгөөд импортлогч орнууд олборлолтоо нэмэгдүүлэхийг уриалсаар иржээ.
