“Анод” банкны захирал Д.Энхтөр, ТУЗийн дарга Э.Гүр-Аранз, гишүүн Н.Даваа, Тамгын газрын дарга Л.Уламбаяр нарт УМБГ-аас бусдыг залилан мэхэлсэн, банкны үйл ажиллагааг хууль бусаар явуулсан гэсэн үндэслэлээр 2008 оны арваннэгдүгээр сард эрүүгийн хэрэг үүсгэн шалгаснаас хойш багагүй хугацаа өнгөрлөө. Тэдэнд холбогдох хэргийн мөрдөн байцаалт дуусаж байгаа талаар хууль хяналтын байгууллагын эх сурвалж мэдээлэв.
Энэ хэргийг удахгүй прокурорын хяналтад шилжүүлэхээр болжээ. УМБГ-аас холбогдох бүх нотлох баримт, шинжээчийн дүгнэлт зэргийг бүрдүүлж дууссан бөгөөд шалгах жижиг асуудлууд байгааг энэ хэд хоногт багтаан гүйцээх юм байна.
