"Moon Dance" бүжгийн хамтлаг 2023 оны Латин формейшн бүжгийн Дэлхийн аварга шалгаруулах тэмцээнд амжилттай оролцож хүрэл медалийн эзэд болжээ. Эл тэмцээнд Монголоос “Moon dance” болон "Star" хамтлагууд оролцож, хоёулаа шилдэг зургаад багтан финалын шатнаа өрсөлдсөн юм.
"Moon Dance" хамтлаг ийнхүү багийн спортоор ДАШТ-нд оролцож, хоёр жил дараалан медаль авсан Монгол Улсын түүхэн амжилтыг үзүүллээ. "Star" тавдугаар байрт шалгарлаа.
Тэд энэ талаараа "Бид ДАШТ-нд 9 удаа оролцохдоо тэмцээнээс тэмцээний хооронд илүү туршлага хуримтлуулж, хийж байгаа зүйлдээ мэргэжлийн хандаж, сэтгэл зүрхээ шингээж, бүхий л амьдралаа зориулан энэхүү амжилтанд хүрсэн билээ" хэмээв.
