“Монгол бөхөн” баримтат кино бүтээв

Дэлхийн байгаль хамгаалах сангийн Монгол дахь хөтөлбөрийн газрынхан монгол бөхөнг сурталчлан таниулах, хамгаалах чиглэлээр олон талт үйл ажиллагаа явуулдаг. Тус байгууллагынхан Бөхөн хамгаалах сүлжээбагтай хамтран саяхнаас “Бөгтөр бөхөн” сэдэвт подкастыг сонсогчдод хүргэж буй бол үргэлжлүүлээд “Монгол бөхөн” баримтат киногоо толилуулж эхэлжээ. Уг бүтээлд дэлхийд нэн ховор 100 амьтны жагсаалтад орсон бөгтөр бөхөнгийн тархац нутаг, тоо толгой, зан төрхийн онцлог, Монгол орны байгаль, цаг уурт хэрхэн дасан зохицож амьдардаг талаар өгүүлжээ. Дэлхийн байгаль хамгаалах сангийнхан баримтат киногоо бөхөн бүхий аймаг, сумуудын сурагчдад үзүүлж байгаагаас гадна МҮОНТболон “Малчин” телевизээр олон нийтэд толилуулж буй аж.