"Шат" кино Чикагогийн хүүхдийн кино наадамд тэргүүн байр эзэлснээр, Оскарын кино наадмын богино хэмжээний төрөлд өрсөлдөх эрхээ авлаа. Энэ киног бүтээх явц, үйл ажиллагаанд камерны цаана 10 гаруй даунтай залуус ажилласан юм
Австралийн "Bus Stop Films" ба Монголын урлагийн зөвлөлийн санаачлан хэрэгжүүлсэн энэ төслийн зорилго нь оюуны ялгаатай хөгжилтэй иргэд, даунтай залуусын ажиллаж хөдөлмөрлөх эрх, нийгмийн харилцаанд тэгш оролцох боломж, бүгдэд хүртээмжтэй байх ёстой нийгмийн дэд бүтцийг хөгжүүлэх, улмаар иргэдэд зөв мэдлэг мэдээлэл түгээж, олон нийтийн хандлагыг өөрчлөх юм.
