Холливудын од Алекс Болдуины тоглож буй “Rust” /Зэв/ киноны будалцаантэй хэсгийн зураг авалтын үеэр сум алдаж хүн нас барсан тухай РИА Новости агентлаг TMZ сайтаас иш татан мэдээлэв.
Жижиг хэрэглэлд ашиглаж байсан гар бууг хоосон сумаар цэнэглэх ёстой байсан ч тоглолтын үеэр жүжигчин Алекс Болдуин гох дарахад ойролцоо байсан хоёр хүн суманд эсвэл хэлтэрхийд оногдсон байна.
Эх сурвалжуудын мэдээлж буйгаар киноны найруулагч эгэмдээ шарх авсан бол цээжин тус газраа шархадсан зураглаач эмэгтэй нисдэг тэргээр эмнэлэгт хүргэгдсэн ч удалгүй нас баржээ.
Алекс Болдуин болон бусад жүжигчид гэмтэж бэртээгүй байна. Болсон үйл явдлыг цагдаагийн байгууллага шалгаж эхэлсэн бөгөөд зураг авалтыг түр зогсоожээ.
