Залуучуудын АШТ-ээс анх удаа аваргатай болов

 Жүдо бөхийн залуучуудын аварга шалгаруулах тэмцээн Дархан-Уул аймагт болоход 15 клубийн та­мир­чид өрсөлдсөн. Монголын жүдо академийн эмэг­тэй тамирчдаас шагналын салхи хагалж, 57 кг-ын жинд Г.Ундрал мөнгөн медаль хүртэв. Түүний ам­жилтын буухиаг үргэлжлүүлж, Б.Батсувд тус жинд хүрэл, 63 кг-д Х.Ариунтунгалаг мөн хүрэл медаль зүүсэн юм. Тэгвэл эрэгтэйчүүдээс 100 кг-д Г.Хан­гарьд тэргүүлэв. Тус академийнхан өсвөр үеийнх­ний ангилалд багаараа цөөнгүй медаль гардсан ч залуучууд, насанд хүрэгчдийнхээс хараахан хүр­тээгүй байсан юм. Энэ удаа тэд бүх бо­ломжоо дайчлан гаргаж барилдсанаар анх удаа аваргатай болж байна. Тамирчдын хам­гийн сонирхолтой өр­сөл­дөөнийг харуулдаг хо­ли­мог багийн төрөлд тус ака­демийнхан финалд Орхон аймгийн “Хан­гарьд” багийг 4:1-ээр буулгаж авч, тэргүүн байрт шалгарлаа. Гурван жил дараалж финалд шалгарсан “Хангарьд”-ын жү­до­чид 2023 онд түрүүлж, сүүлийн хоёр жил да­раа­лан мөнгөн медаль хүртсэн бол “Мон-Алтиус Цагаан­баа­тар академи”, “Шинэ Бадрах” клубийнхэн хүрэл медалийн эзэн болсон. 
Ташрамд дуулгахад, Гүрж улсын Тбилиси хотод “Их дуулга” тэмцээн маргааш эхэлнэ. Үндэсний шиг­шээ багийнхан дасгалжуулагч У.Эрдэнэбаатар, П.Нямл­хагва, Ч.Болдбаатар, Г.Болдбаатар нарын удирд­лагад хүч сорихоор тус улсад хөл тавилаа.