П.Орхон С.Батцэцэгийг цэвэр ялж, 63 кг-д түрүүллээ

Чөлөөт бөхийн насанд хүрэгчдийн УАШТ "Буянт Ухаа" спорт цогцолборт  хоёр дахь өдрөө үргэлжилж байна.

Эрэгтэйчүүдийн 39, эмэгтэйчүүдийн 15 дахь удаагийн тус тэмцээнд 23 байгууллагын 280 гаруй тамирчин оролцож буй.

Эмэгтэйчүүдийн 63 кг-ын аваргын төлөөх барилдаанд ОУХМ П.Орхон олимпийн хүрэл медальт, дэлхийн хошой аварга С.Батцэцэгийг оноогоор цэвэр ялж, түрүүллээ.

Өнгөрсөн жилийн УАШТ-ий 58 кг-д аваргалж, анхны түрүүгээ хүртсэн П.Орхон жин өгсөн,  63 кг-д зодоглож байна. 

Тэрбээр ийнхүү УАШТ-д хоёр дахь удаагаа түрүүлэв.