.jpg)
Олон улсын жүдо бөхийн холбоо (IJF)-ноос 2016 оны шилдэг эрэгтэй, эмэгтэй жүдочид нэр дэвшигчдийг зарласан билээ.
Шилдэг жүдочийг шалгаруулах онлайн санал асуулга өчигдөр эхэллээ.
"Рио-2016" олимпийн хүрэл медальт, Казахстан улсын гавьяат тамирчин Галбадрахын Отгонцэцэг дэлхийн шилдэг эмэгтэй жүдочид нэр дэвшиж байна.
Тэрбээр энэ онд олимп, Их дуулга, Азийн АШТ тэргүүтэй олон улсын 11 тэмцээнд зодоглож, таван алт, хоёр мөнгө, гурван хүрэл медаль хүртсэн юм.
Ганцхан удаа медалиас мултарсан буюу хамгийн сүүлд оролцсон Токиогийн Их дуулгад V байрт шалгарсан.
Дэлхийн шилдэг эмэгтэй жүдочид "Рио-2016" олимпийн аварга К.Харрисон, Т.Трстеняк, Харуко Тачимото, Р.Силва, П.Парето, Э.Андеол, М.Келменди, мөнгөн медальт И.Ортиз зэрэг дэлхийн шилдгүүд өрсөлдөж байна.
Уншигч та бүхэн Г.Отгонцэцэгийг дэмжихийг хүсвэл ЭНЭ ЛИНКЭЭР (ДАРНА УУ) орж саналаа өгөх боломжтой.
