Өнөөдөр гадаа 13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 105 дахь өдөр бөгөөд он дуусахад 260 хоног үлдлээ.
- Цаг агаар өдөртөө 13 хэмийн дулаан бол шөнөдөө 3 градус хүйтэн байх нь ээ.
- Билгийн тооллын 7, өглөгт охид одтой шарагчин тахиа өдөр. Тухайн өдөр үхэр, могой жилтнээ аливаа үйлийг хийхэд эерэг сайн. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3385.00 төгрөг, зарах нь 3388.00 төгрөг байна. Харин рублийн авах ханш 36.20, зарах ханш 36.50, юанийн авах ханш 468.00, зарах ханш 469.00, вонийн авах ханш 2.46, зарах ханш 2.48 төгрөг байна.
Өнөөдөр болох онцлох үйл явдлууд:
- 08.30-14.00 цагт: Төрийн ордонд: “Аялал жуулчлалын чуулган-2024”-Аялал жуулчлалын 7 хоног эхэлж байна. Чуулганд Монгол, ОХУ, БНХАУ, БНСУ, 5 орны салбарын төлөөлөгчид оролцоно.
- 09.00-10.00 цагт: УИХ дахь намуудын бүлэг болон ажлын хэсэг хуралдана.
- 10.00 цагт: Төрийн ордонд: Эмийн үнийн өсөлтийн нөхцөл байдлыг нотлох, баримтыг шинжлэн судлах нээлттэй сонсгол эхэлнэ.
- 10.00-16.00 цагт: “Туушин” зочид буудалд: Тавантолгойн ордын нүүрсний тээвэрчдийн холбоо, ТББ-ын төлөөлөл хэлэлцүүлэг зохион байгуулна.
- 11:00 цагт: “Тэнгэр” ТВ болон Ард Санхүүгийн Нэгдэл ХК шүүхэд худал тайлбар, баримт гаргаж өгч, шүүхийн шийдвэр гүйцэтгэх ажиллагаанд тус байгууллагын шинээр томилогдсон дарга нараар дамжуулан нөлөөлж байгаа талаар Үндэсний мэдээллийн төвд хэвлэлийн бага хурал зарлажээ.
- 11:30 цагт: ЭМЯ-ны үйл ажиллагааны доголдол, Сангийн яамны ТНБД Ж.Ганбатын хариуцлагагүй үйлдлээс болж, 450 гаруй хүний элэг бүтэн болох боломж хаагдаж, 3.6 сая ам.долларын үнэтэй АНУ-аас ирсэн AbbVie брэндийн эм устгалд орсон асуудлаар “Оном” сангийн ТУЗ-ийн дарга Д.Наранбаатар Үндэсний мэдээллийн төвд мэдээлэл хийнэ.
Энэ өдөр дэлхийн түүхэнд:
- 1896 - Грекын нийслэл Афин хотноо зохиогдсон орчин үеийн хамгийн анхны олимпын наадам амжилттай зохион байгуулагдаж хаалтаа хийв.
- 1900 - Америк-Филиппиний дайн: Филиппиний босогчдын хүч АНУ-ын явган цэргийн анги руу гэнэтийн дайралт хийж, дөрөв хоног бүслэжээ.
- 1923 - Чихрийн шижин өвчтэй хүмүүст инсулиныг анх удаа ашиглаж эхэлжээ.
- 1924 - Дэлхийн түүхэн дэх хамгийн анхны автозамын сүлжээний газрын зургийг Ренд МакНелли зохиожээ.
- 2013 - АНУ-ын Массачусетс мужийн Бостон хотноо зохиогдож байсан Бостоны олон улсын марафоны үеэр барианы шугамны орчим хоёр ч удаа бөмбөг дэлбэрч гурван хүн амиа алдан, 264 гаруй хүн бэртэж гэмтжээ.
- 2014 - Өмнөд Суданы иргэний дайны үеэр хамгийн балмад халдлага болжээ. Өмнөд Суданы босогчид дайны хөлд нэрвэгдсэн дүрвэгсэд болон энгийн иргэн байрладаг гэр эмнэлэгт халдаж наад зах нь 200 хүн амиа алдсан байна.
