Дорнод аймгийн Чулуунхороот сумын (Эрээнцав) Цагаанчулуут багийн Жирмийн нуур гэдэг газар арваннэгдүгээр сарын 16-ны өдрийн 11.00 цагийн орчим малчин З нь малдаа явганаар яваад сураггүй болсон тухай дуудлагыг тухайн өдрийн 21.00 цагт хүлээн авсан аж.
Тус сумын мэргэжлийн ангийнхан, орон нутгийн иргэд тус сумын харьяат малчин З /27 настай, эрэгтэй/-ыг эрэн хайх ажиллагааг 22.10 цагаас зохион байгуулж гэрээс нь баруун урд зүгт 13 км-т “Бор-Овоо” гэдэг газар малтайгаа төөрсөн байсныг эсэн мэнд олж эхнэр Т-д хүлээлгэн өгсөн байна.
