Энэ сарын 17-нд эхэлсэн шайбтай хоккейн “Asian challenge cup-2017” тэмцээн Тайландын Бангкок хотод үргэлжилж байна. Дөнгөж сая манай хоккейчид шигшээд АНЭУ-ын багт дийлдэн, мөнгөн медаль хүртэв.
Тэд тоглолтын үндсэн цагт 4:4-өөр тэнцсэн ч торгуулийн цохилтоор ялагдсан юм. Манай залуус Сингапурын багийг 13:0, Тайландыг 5:4, Малайзыг 10:5-аар тус тус хожиж, аваргын төлөө өрсөлдөх эрх өвөртөлсөн юм.
Монголын шигшээ багийнхан ийнхүү тус тэмцээнээс сүүлийн дөрвөн жил дараалан хүрэл медаль хүртсэн, амжилтаа ахиуллаа. Харин АНЭУ-ын багийнхан “Asian challenge cup”-аас гурван жил дараалан мөнгөн медаль авсан “шарх”-аа нөхөв.
