Сингапурт энэ сарын 27-31 болсон сагсан бөмбөгийн “FIBA 3х3 Asian cup-2024” Ази тивийн аварга шалгаруулах тэмцээнд манай улсаас эрэгтэй, эмэгтэйчүүдийн шигшээ багийнхан өрсөлдлөө. Эрэгтэйчүүд хэсгээ тэргүүлэн эхний тоглолтдоо Шри Ланкийн багийг 15:13-аар хожиж, хоёр дахьдаа Тайландын тоглогчдыг 20:19-өөр илүүрхэн шилдэг наймд шалгарав. Хасагдах шатны тоглолтод Катарын шигшээг 19:11-ээр хожиж, шилдэг дөрөвт үлдэн хагас шигшээд Австралийн багт 11:21-ээр ялагдсан юм. Хүрэл медалийн төлөө Шинэ Зеландын шигшээ багийг 21:18-аар хожиж, хүрэл медаль хүртлээ. Тэгвэл эмэгтэйчүүд Малайзын багийг 21:4-өөр хожиж, хэсгийн эхний ялалтаа авсан ч хоёр дахь тоглолтдоо Филиппинийн шигшээд 10:17-оор ялагдав. Хасагдах шатанд өмнөд хөршийн тоглогчдыг 20:7-гоор илүүрхэж, шилдэг дөрөвт мөн шалгарсан юм. Харин хагас шигшээд Австралийн шигшээ багт 6:21-өөр хожигдсоноор хүрэл медалийн төлөө Тайванийн сагсан бөмбөгчидтэй тоглохоор болсон. Манайхан өрсөлдөгчөө 17:10-аар буулган авч, хүрэл медаль зүүв.
