Д.Батзориг, С.Ариунзаяа нар хамгийн шилдэг нь байлаа

Боулингийн “BAGANUUR OPEN-2017” тэмцээн Багануур хотод боллоо. Боулингийн спорт сонирхогчдын оролцоог нэмэгдүүлэн, амралт чөлөөт цагийг зөв боловсон өнгөрүүлэх, олон нийтэд сурталлах зорилготой, хоёр дахь удаагийн тус тэмцээнийг ганцаарчилсан болон багийн төрлөөр зохиов.

Ганчаарчилсан төрлийн эрэгтэйчүүдийн ангилалд Б.Баярсайхан /УСБТ/ тэргүүлж, Д.Пүрэв /УСБТ/, Д.Батзориг нар мөнгө хүрэл медалиар энгэрээ мялаасан бол эмэгтэйчүүдийнхэд С.Дэлгэрцэцэг /Биг Боулинг-I/, Ш.Гэрэлээ /Strikes/, Хандаа /ТЭЦ-III/ нар бусдыгаа манлайлав.

Хамгийн өндөр оноо авсан буюу шилдаг тамирчнаар 231 оноо авсан Д.Батзориг /Аянга/, 216 оноо авсан С.Ариунзаяа /Багануур Сити/ нар шалгарав.

Сүүлийн жилүүдэд “Багануур боулинг” клубийн тамирчдын амжилт, ур чадвар эрс сайжран, дасгалжуулагч Г.Төмөрбаатар шилдэг боулингчид бэлтгэж байгааг нь спорт сонирхогчид онцолж байлаа.