Швед болон Финланд улс НАТО-д нэгдэн орвол тухайн улсад цөмийн зэвсэг байрлуулахгүй гэсэн баталгааг ОХУ-д өгөхөөс тус холбоо татгалзаж байгаа аж. Энэ тухай НАТО-ийн Ерөнхий нарийн бичгийн даргын туслах Камиль Гран мэдэгдэв.
Гран мөн Турк, Швед, Финляндын хоорондох санал зөрөлдөөнийг НАТО-ийн дээд хэмжээний уулзалтаар зохицуулна гэдэгт найдаж байгаагаа илэрхийлжээ. “НАТО терроризмын асуудлыг шийдвэрлэх өөрийн гэсэн арга барилтай. Туркууд Финляндад илүү их улс төрийн шаардлага тавьж байна. цөмийн салбарт зэвсэг хүлээн авах эсвэл зөвшөөрөхгүй байх эрх чөлөө улс болгонд бий. Хязгаар тогтоох тухай яриагүй” гэж тэрбээр хэлэв.
"Анкарагийн шаардлагыг биелүүлэхгүйгээр НАТО-г өргөжүүлэх болон Швед, Финляндын эвсэлд нэгдэх талаарх тус улсын байр суурь өөрчлөгдөхгүй" гэж Туркийн Ерөнхийлөгч Режеп Тайип Эрдоган өмнө нь мэдэгдсэн юм. Түүний хэлснээр, Хойд Атлантын холбоонд гишүүнээр элсэхийн тулд улс орнууд терроризмыг дэмжихээ зогсоож, Туркийн эсрэг авсан хориг арга хэмжээгээ цуцалж мөн холбоотонтой эв нэгдэлтэй байгаагаа харуулах ёстой юм."
