Ерөнхий сайд Л.Оюун-Эрдэнэ Энэтхэг Улсын Гадаад харилцааны Төрийн сайд Др.Ражкумар Ранжан Сингхийг хүлээн авч уулзжээ. Энэ үеэр Ерөнхий сайд Энэтхэг Улсын Засгийн газраас хэрэгжүүлж буй тэтгэлэгт хөтөлбөрүүдийг мэдээллийн технологийн салбарт түлхүү чиглүүлж, Монголын залуусыг тус улсад сургах хүсэлтэй буйгаа илэрхийллээ.
Харин Др.Ражкумар Ранжан Сингх "Гадаад харилцааны салбараас гадна боловсролын салбарыг хавсран хариуцдаг Төрийн сайд тул Монгол, Энэтхэгийн боловсролын салбарын хамтын ажиллагааг өргөжүүлж, дэмжиж ажиллана" хэмээв.
