Соёлын өвийг сэргээн засварлах орчин үеийн лабораторийг ашиглалтад орууллаа
Музей нь тухайн улс орны соёлын дархлаа болсон соёлын өв, үүх түүхийг судлах, сурталчлах, түгээн дэлгэрүүлэх үүргийг хүлээдэг. Чингис хаан Үндэсний музейд хадгалагдаж үзэгчдийн хүртээл болж байгаа үзмэрүүдийн насжилтыг уртасгах, үзмэр цуглуулгаа баяжуулахын тулд археологийн малтлага судалгаагаар илэрсэн олдвор хэрэглэгдэхүүнийг өөрсдийн нөөцөд тулгуурлан сэргээн засварлаж, хадгалалтын зохистой орчин бүрдүүлэх судалгаа шинжилгээ хийх хэрэгцээт шаардлага тогтмол үүсдэг.
2024-12-15
Их зохиолч С.Буяннэмэхийн бүтээлүүдийг танилцуулж эхлэв
Улсын хэмжээнд“Соёлын бүтээлч сар” аян үргэлжилж байна. Уг аяны хүрээнд “Өвлөн бүтээх өнөө ирээдүй” уриан дор “Эртний сайхан” үзэсгэлэн дэлгэж, улсын их дагина Цэндийн Дондогдулам, Төрийн шагналт, Урлагийн гавьяат зүтгэлтэн Эрэгзэнгийн Чойдог, Монголын орчин цагийн уран зохиолыг үндэслэгчдийн нэг, их зохиолч Сономбалжирын Буяннэмэх, Хөдөлмөрийн баатар, Гавьяат тамирчин, дархан аварга Жигжидийн Мөнхбат нарын түүхэн амьдралаас сэдэвлэсэн бүтээл туурвилыг олонд сонирхуулж байгаа.
2024-11-15
“Хүрэн морь” наадмыг 34 дэх удаагаа зохион байгуулна
Төрийн шагналт, зохиолч Ч.Лхамсүрэнгийн нэрэмжит “Хүрэн морь” яруу найргийн наадмыг 34 дэх удаагаа зохион байгуулахаар болсноо Монголын зохиолчдын эвлэлээс мэдээлэв. Уг наадмын шалгаруулалт гурван үе шаттай аж. Нэгдүгээр шатанд хэдэн ч яруу найрагч шүлгээ ирүүлж болох нь. Тэднээс шилдэг 25 уран бүтээлч хоёрдугаар шатанд оролцох аж.
2024-11-12
Их эзэн Чингис хааны хөшөөнд хүндэтгэл үзүүллээ
Их эзэн Чингис хааны мэндэлсний 862 жилийн ой, “Монгол бахархлын өдөр”-ийг тохиолдуулан Монгол Улсын Ерөнхийлөгч Ухнаагийн Хүрэлсүх, Улсын Их Хурлын дарга Дашзэгвийн Амарбаясгалан, Монгол Улсын Ерөнхий сайд Лувсаннамсрайн Оюун-Эрдэнэ, УИХ, Засгийн газрын гишүүд, төр, нийгмийн зүтгэлтнүүд болон Монгол Улсын төрийн дээд шагнал, “Чингис хаан” тэргүүн зэргийн одонт эрхмүүд Их эзэн Чингис хааны хөшөөнд хүндэтгэл үзүүллээ.
2024-11-02
Нүүдлийн соёл, неолиберализм, даяаршлын асуудлыг хөндсөн бүтээлүүдийг дэлгэв
Уран бүтээлч Л.Мөнгөнцэцэг анхны бие даасан “Атлах ба үнэрлэх” үзэсгэлэнгээ энэ сарын 29 хүртэл олон нийтэд толилуулна. Тэрбээр үйлдлийн урлагаар олон нийтэд танигдсан уран бүтээлч юм. Өв соёлоо шингээж, хот, хөдөөгийн соёл, үндэсний хувцсаа голчлон тусгадгаараа түүний бүтээлүүд онцлогтой. Тус үзэсгэлэнд долоон уран зураг, хоёр дүрс бичлэг багтаж буй.
2024-09-09
“Bravo circus-5” тоглолттой
Хүүхэд, багачуудын хэдийн хүсэн хүлээдэг болсон “Bravo circus-5” эхлэх нь. Энэ удаагийн тоглолтод дэлхийн циркийн олимп гэгддэг Монте Карлогийн наадмын алт, мөнгөн цомын эзэн Бруно Тонигийн нэн ховор цагаан, ягаан, шар 11 бар үзүүлбэр үзүүлэх юм байна.
2024-09-02
“Хан хуурын аялгуу” бүтээл дэд байрт шалгарчээ
Хойд хөршийн Томск хотод болсон “Праздник топора 2024” 15 дахь удаагийн олон улсын модон сийлбэрийн тэмцээнд манайхаас улсаа төлөөлж оролцсон долоон уран сийлбэрч гурван төрөлд бүтээл туурвижээ. Тэднээс багийн төрөлд Д.Цэрэнбат, Х.Алтанхүү нар “Хан хуурын аялгуу” бүтээлээр мөнгө, Ц.Мөнх-Эрдэнэ, Г.Энх-Эрдэнэ нар хүрэл медаль гардав.
2024-08-27
Зүймэл урлалаар дэлхийн хамгийн том өлзий хээг бүтээжээ
“Шинэ замнал” ТББ-ын дэргэдэх Зүймэл даавуун урлалын төвийнхөн дэлхийн хамгийн том өлзий хээг бүтээж, Гиннесийн номд бүртгүүлэхээр зорьж буй. Үүнийхээ хүрээнд “Өлзий хээ” сэдэвт нүүдлийн үзэсгэлэнг Улсын их дэлгүүрт дэлгээд байна.
2024-08-22
21 аймгийнхан өөрсдийн өв соёлыг харуулсан 3 төрлийн өргөө гэрээ барьжээ
"Нүүдэлчин" дэлхийн фестивальд 12 улсын 140 гаруй гадаад оролцогч өөрсдийн уламжлалт соёлоо сурталчлан оролцохоос гадна Монгол Улсын 21 аймаг, нийслэлээс 1000 орчим өвлөн уламжлагчид, салбарын 150 гаруй байгууллага оролцож, соёлын биет бус өвийн 7 ай савын 362 төрлөөр 780 хөтөлбөрт арга хэмжээг та бүхэнд толилуулж байна.
2024-08-18
Соёлын өвийн хадгалалт, хамгаалалтыг дижитал технологид шилжүүлэх нь
Тус сургалтын хүрээнд соёлын өвийг хамгаалахын утга учир, хадгалах зохистой орчин болон гэмтээхээс хамгаалах IPM системийг танилцуулсан юм. Мөн салбарын мэргэжилтнүүд соёлын өвийг дижитал технологиор дамжуулан тайлбарлах, сэргээн засварлах тухай сургалт явуулж, санал солилцжээ. “Чингис хаан” үндэсний музей, БНСУ-ын Гунжигийн их сургууль хамтран зохион байгуулсан уг сургалтад ШУА-ийн Археологийн хүрээлэн, Монгол банк, нийслэлд үйл ажиллагаа явуулдаг төрийн болон орон нутгийн өмчийн музейн сан хөмрөг, үзмэр, эд өлгийн зүйлийн хадгалалт, хамгаалалт хариуцсан мэргэжилтнүүд оролцлоо
2024-08-14
Сакраментогийн баярт монгол бүжиг, хоолоо танилцуулжээ
АНУ-ын Сакраменто хотын “National night out” арга хэмжээнд анх удаа монгол үндэсний бүжиг, дуу, хоолны амтыг танилцууллаа. Наймдугаар сард АНУ-ын хотуудад нэгэн зэрэг болдог уг арга хэмжээнд Сан-Францискод байрладаг “Монгол кафе”-гийнхан, мөн Сакраменто хотод амьдардаг ардын бүжигчин Г.Энхзул нар оролцож, монгол үндэсний бүжиг, хоолоо сурталчлав. “Монгол кафе”-г үүсгэн байгуулагч Д.Чимидцэрэн, Ю.Ариун-Эрдэнэ нар Сакраменто хотынхонд монгол хоолоор үйлчилж, таниулсаар ирсэн. Бүжигчин Г.Энхзулын хувьд анх удаа уг арга хэмжээнд уригдаж, монгол үндэсний урлагийн гайхамшгаас мэдрүүлсэн анхны уран бүтээлч болжээ
2024-08-12
“Хонины найр”-ыг энэ сарын 17-нд зохион байгуулахаар товлолоо
“Хонины найр” нь хөдөөгийн иргэдийн аж амьдрал, хонь маллахтай холбоотой ахуй, эдийн соёл, зан заншлын олон сонирхолтой ёс уламжлалтай танилцах боломжийг олгодгоороо онцлогтой билээ. Тус арга хэмжээний үеэр хонь уралдуулах, холбох, шагайн наадгай, аргал түүх, нэхий элдэх зэрэг хөгжөөнт тоглоомоор дамжуулан монгол ахуй, ёс заншлыг сурталчлан таниулах юм байна. Мөн уламжлалт аргаар эсгий хийж, тогоо нэрж, цайны баяр зохион байгуулах аж. Түүнчлэн малчид өөрсдийн хийсэн ааруул, ээзгий зэрэг цагаан идээгээ энэ үеэр худалдах гэнэ. “Хонины найр” арга хэмжээний тасалбарын үнэ 30 мянган төгрөг юм
2024-08-09
“Нүүдэлчин” фестивалийн хөтөлбөрийг гаргалаа
“Нүүдэлчин” дэлхийн соёлын фестивалийг энэ сарын 16-18-нд Налайх дүүргийн нутаг дэвсгэр дэх Тайж хайрхны бэлд зохион байгуулна. Уг наадмын хөтөлбөрийг зохион байгуулагч Соёл урлагийн газраас гаргажээ. Энэ удаа соёлын биет бус өвийн долоон ай савыг таниулан сурталчлах боловсролын оролцоот хөтөлбөрийн хүрээнд манай улсаас 880 өвлөн уламжлагч наадамд оролцох юм байна. Тус фестивалийн хүрээнд олон улсын язгуур урлагийн тоглолтууд, хүүхдийн жүжиг, хурдан морь, үндэсний бөхийн барилдаан, шагайн болон морьт харваа зэрэг өв уламжлалаа шингээсэн олон төрлийн арга хэмжээ зохиох гэнэ
2024-08-09
“Айраг” фестиваль Хутаг-Өндөр сумд болно
ЮНЕСКО-гийн хүн төрөлхтний соёлын биет бус өвд Монгол Улсаас бүртгүүлсэн хөхүүрийн айргийн соёлын хамгийн том баяр “Айраг” фестиваль Булган аймгийн Хутаг-Өндөр сумын нутаг, Дондогийн булагт энэ сарын 10,11-нд болно.
2024-08-08
