Монголын баг Туринаас 20 медальтай ирэх нь 

Италийн Турин хотод болсон тусгай олимпын өвлийн наадамд оролцсон Монголын баг 103 орны 1500 тамирчинтай спортын найман төрлөөс зур­гаад нь өрсөлдөж, шагналын буухиа­тай өн­дөр­лүүллээ. Өнгөрсөн долоо хоногийн пүрэв гар­гаас хойш манай тамирчид бүжгийн хос болон ган­цаарчилсан  гүйлтийн цана, цас­ны гуталтай гүйлтийн төрөлд тэмцээнээ үргэлж­лүүлсэн. Тэд­нээс А.Азжаргал уулын цанын төрөлд түр­үүлж, хошой алтан медалийн эзэн болсон юм. Түү­ний амжилтыг үргэлжлүүлж, Т.Солонго цас­ны гуталтай гүйлтийн 25, Б.Буян­тогтох 400, Т.Дэлгэр­жаргал 800 метрийн зайн гүйлтийн төрөлд тус бүр аваргаллаа. Мөн Б.Мөнх-Эрдэнэ, Я.Мяг­мар­сүрэн нар бүж­гийн хос, Б.Бямба-Эрдэнэ цасны гутал­тай гүйлтийн 25, 50, Ө.Елмырза 100, П.Хатан­сайхан, И.Амаржаргал 400 метрийн зайд, А.Идэр гүйлтийн цанын төрөлд мөнгөн медаль гардаж, өмнөх тамирчдынхаа медалийн өн­гийг хувиргав. Түүнчлэн А.Алтан-Очир, М.Энхзаяа снөү­боард, Ө.Елмырза цасны гуталтай 200 мет­рийн зайн гүйлт, Э.Анхзул гүйлтийн цанын 50, М.Амарболд цасны гуталтай 100, П.Хатансайхан цас­ны гуталтай багийн 400x100 метрийн зайд хү­рэл медалийн тавцанд зогссон байна. Сүүлийн өдөр тэм­цээн болж буй газруудад цасаар шуурч, цаг агаар хүндхэн байсан ч Монголын тамирчид ха­­туужил тэсвэрээ харуулж таван алт, найман мөн­­гө, долоон хүрэл, нийт 14 медальтай Ту­ри­ны өвлийн олимпоос эх орондоо ирэх нь.