Малайзын Авлигатай тэмцэх хорооны дарга тэргүүтэй төлөөлөгчид айлчиллаа

АТГ-ын дарга, тэргүүн комиссар З.Даш­да­ваа­гийн урилгаар Малайз Улсын Авлигатай тэм­­цэх хорооны дарга Тан Шри Дато’ Шри Азам бин Баки тэргүүтэй төлөөлөгчид Монгол Ул­сад аж­лын айлчлал хийв.
Энэ үеэр АТГ-ын дарга З.Дашдаваа “Мон­гол Улсын Ерөнхийлөгч болон Ерөнхий сайдын ажиллах тэргүүний чиглэл нь авлигатай тэм­цэх асуудал бөгөөд үүнийг эрчим­жүүлж, бо­дит үр дүнд хүрэх зорилготой ажил­лаж бай­на” хэмээгээд цаашид идэвхтэй, үр дүн­тэй, хам­тын ажиллагааны жи­шиг болохуйц харил­цааг хөгжүүлнэ гэдэгт ит­гэж буйгаа илэр­хийл­лээ.
Малайзын Авлигатай тэмцэх хорооны дарга Азам бин Баки өөрийн улсын Ерөнхий сайдын дэмжлэгтэйгээр авлигатай тэмцэх чиг­лэлд олон улсын хамтын ажиллагаагаа идэвх­тэй өргөжүүлэн хөгжүүлэхээр ажиллаж бай­гаагаа танилцуулсан юм. Хоёр орны энэ чиглэлээр дагнасан байгууллага нь авлигатай тэмцэж, олон нийтийн болон бизнесийн шу­дарга байдлыг нэмэгдүүлэх, сайн засаглалыг хөг­жүүлэхэд чиглэсэн ижил зорилготой тул хамтын ажиллагааны хүрээнд бүхий л байдлаар хамт­ран ажиллахад бэлэн гэдгээ удирдлагууд нь онцлоод, харилцан ойлголцлын санамж би­чиг байгууллаа. 
Энэ айлчлалын үеэр Монгол, Малайз Улсын Авлигатай тэмцэх байгууллагуудын харил­цаа, хамтын ажиллагааг өргөжүүлэн хөг­жүүлэх бо­ломж, чиглэлийг гүнзгийрүүлэх, хамтарсан сур­галт, дадлага зохион байгуулж албан хаагч­дын мэргэжлийн ур чадвар, мэд­лэгийг дээш­лүүлэх, чадавхыг бэхжүүлэх та­лаар өргөн хү­рээнд санал солилцож, тодор­хой асууд­луу­даар харилцан тохиролцсон бай­на.