Шахмал түлшний түүхий эдийг солих туршилт, судалгааг эхлүүлжээ

Шахмал түлшний түүхий эдийг солих үйлдвэрлэлийн туршилт, су­­дал­гааны аж­лыг эхлүүлснээ Агаарын бохирдлыг буу­руулах үндэс­ний хорооноос мэдээллээ. Эл түлш­ний чанарыг сайжруулах, стан­дартыг нь шинэчлэн боловс­руулах ажлын хүрээнд Агаарын бохирдлыг бууруулах үндэсний хорооны дэргэдэх эрдэмтдийн зөвлөл, ШУА-ийн Хими, химийн тех­нологийн хү­рээлэн, “Таван­толгой түлш” ХХК-ийн суд­лаач, мэр­гэжилтнүүд гадаадын эр­дэм шинжилгээ, судалгааны байгуул­лагууд­тай хамтран ажиллаж буй гэнэ. Үүний хү­рээнд “Эрдэнэс Тавантолгой” ХК-ийн бая­жуулсан нүүрсээр шахмал түлш үйлд­вэрлэн туршилт хийж, үр дүнтэй болсон то­хиолдолд эрдэмтдийн зөвлөлөөс гарсан са­нал, дүгнэлт, зөвлөмжид үндэслэн хэ­рэглээнд нэвтрүүлэхээр төлөвлөжээ. Хагас үйлдвэрлэлийн туршилтад ашиглах эхний ээлжийн 15 вагон баяжуулсан нүүрсийг “Та­вантолгой түлш”-ийн үйлдвэрийн тал­байд өчигдөр буулгасан байна. Үлдсэн нүүр­сийг “Эрдэнэс Тавантолгой”-гоос ху­ваа­рийн дагуу татан авах аж.

Ж.Сувд