Амьд хөгжмийн давтагдашгүй хослол гэж тодорхойлж болох “A Sound”, “The Lemons” хамтлагийнхан ирэх сарын 15-нд “Босоо” тоглолтоороо шүтэн бишрэгчидтэйгээ уулзах нь. Тэдний тоглолт “UG аrena”-д болох юм байна. Тоглолтыг зорин ирсэн үзэгчдэдээ зориулан олон бэлэг бэлджээ. Тухайлбал, “Mmusiс” аппликэйшний нэг сарын эрхийг тасалбар авсан хүн бүрд бэлэглэх нь. Тэд шинэхэн уран бүтээлээ тоглолтдоо зориулж гэрэл болон хөгжмийн найруулгатайгаар сонирхуулах юм байна.
Мөн “Хар тас” хамтлагийнхан “Бүрхэг тэнгэр бид сэрэх цаг болсон” тоглолтоо ирэх сарын 1-нд хийх аж. Түүнчлэн “Инээмсэглэл” хамтлагийнхан 45 жилийн ойд зориулсан VIP тоглолтоороо энэ сарын 12-нд үзэгчдийн сонорыг мялаах нь. Сэтгэлд дотно, хэзээ ч мартагдашгүй хит дуунууд эгшиглэх уг тоглолтоо өндөр зэрэглэлийн зохион байгуулалттайгаар хийхээр бэлтгэл ажлаа хангаж буй гэнэ.
Бэлтгэсэн: А.Тэмүүлэн
