"Boys over flowers" киногоороо бидний танил болсон БНСУ-ын алдарт дуучин, жүжигчин Ким Хён жүүн (Kim hyun joong) болон алдарт репперүүд болох MC Sniper, Bloo нар Монголд тоглолтоо хийх юм байна. Тоглолт Буянт ухаа спорт цогцолборт 2024 оны хоёрдугаар сарын 17-нд ганцхан удаа тоглогдох юм. Энэ талаараа к-поп од Ким Хён жүүн 5,8 сая дагагчтай өөрийн цахим хуудаснаа энэ талаараа мэдээлсэн бөгөөд "Улаанбаатар хотод болох 'Your Valentine' тоглолтонд миний бие Гемини хамтлагтай хамт оролцоно" гэжээ.
