Мөсөн өргөөнд үргэлжилж байгаа “Нэгдсэн УАШТ 2022” тэмцээнд Олон улсын шага Монголын холбооны 43 тамирчин эрэгтэй, эмэгтэйчүүд, пара, багийн гэсэн төрөлд өрсөлдлөө. Тус холбооны улсын аварга шалгаруулах анхдугаар тэмцээн болсон нь үзэгчдийн сонирхлыг татав.. Пара эрэгтэйчүүдийн ганцаарчилсан төрөлд А.Дөлгөөн, эмэгтэйчүүдийнхэд С.Оюундарь бусдыгаа хошуулчилсан бол эрэгтэйчүүдийн ганцаарчилсан төрөлд Д.Рэнчиндорж, эмэгтэйчүүдийнхэд Ц.Оюунсайхан алтан медалийн эзэн боллоо. Багийн харваанд эрэгтэйчүүдийнхээс E.Номин-Эрдэнэ ахлагчтай “Аграват”, эмэгтэйчүүдийнхээс X.Онолбаатар ахлагчтай Завхан аймгийн багийнхан түрүүлж, аваргаар тодров.
