Монголын 15 спорт холбооны нэгдсэн УАШТ-ийг “Steppe аrena” мөсөн өргөөнд энэ сарын 8-17-нд зохион байгуулна. Олон улсын шагай Монголын холбооны улсын аварга шалгаруулах анхдугаар тэмцээн 12-13-нд ганцаарчилсан, багийн, холимог багийн, пара төрлөөр тус бүр эрэгтэй, эмэгтэйчүүдийн ангилалд болох юм. Энэ нь улсын наадмын шагай харвааныхаас өөр аж. Тухайлбал, холимог багийн тоглолт нь дөрвөн үетэй. Нэг болон гуравдугаар үед эрэгтэй, хоёр болон дөрөвдүгээр үед эмэгтэй харваач сууна. Харваачид тус бүр дөрвөн сумыг ээлжлэн харвана. Баруун талд суусан харваач эхэлж харвахдаа 20 секундэд амжих ёстой. Хэрвээ заасан хугацаанд харваагүй тохиолдолд оноо авахгүй, дараагийн тамирчинд харвах эрх шилжинэ. Багийн тоглолтын оноо тэнцсэн тохиолдолд шүүгч сугалаа сугалж, сонгогдсон үеийн тамирчид дахин тус бүр дөрвөн сум харваж хожлыг шийдэх аж.
