Монголын электрон спортын холбоо /MESA/ цахим спортын шинэ залуу боловсон хүчнийг бэлтгэх зорилготой электрон спортын дадлагын хөтөлбөр хамруулахаар болжээ. 3-6 сарын хугацаанд үргэлжлэх уг хөтөлбөрт их, дээд сургуулийн 2, 3 дугаар дамжааны оюутан залуус бүртгүүлж, дадлагажтх боломжтой.
Түүнчлэн хөтөлбөрт хамрагдсан залуус ажлын бодит туршлага олж авахаас гадна хурдацтай хөгжиж буй цахим спортын салбарыг мэргэжлийн түвшинд ойлгох, шинэ залуу хамт олны нэг хэсэг болох, инновацлаг шинэ төсөл хөтөлбөрүүдэд гар бие оролцон Монголын цахим спортын хөгжилд өөрийн хувь нэмрээ бодитой оруулах боломжийг нээж өгөх боломж гарч байгаа юм. Хөтөлбөрт хамрагдах оюутан, залуусыг энэ сарын 26-ныг дуустал бүртгэнэ.
Түүнчлэн Монголын электрон спортын холбоо Монголд цахим спортын “PUBG” тоглоомын хөгжлийг шинэ түвшинд хүргэхээр Монголын үндэсний PUBG лигтэй албан ёсоор хамтран ажиллахаар болжээ.
Монголын электрон спортын холбоог 2003 онд байгуулсан бол Монголын үндэсний PUBG лиг 2019 оноос хойш тасралтгүй үйл ажиллагаа явуулж, цахим спортын PUBG төрлөөр бэлтгэл сургуулилт хийдэг Монголын баг, тамирчдын чансааг ахиулах зорилгоор тогтмол тэмцээн, уралдаанууд зохион байгуулсан юм. Түүнчлэн дээрх хамтын ажиллагааны хүрээнд “Монголын үндэсний PUBG лиг” нэртэй цуврал тэмцээн зохион байгуулах юм байна.
