Цахим спортын “PUBG mobile”-ын ДАШТ-ээс хүрэл медаль хүртсэн Монголын “Zeus e sports” баг энэ сарын 27-нд зохион байгуулах “Peace elite Asia invitational 2021”-т оролцох 15 багийн нэгээр тодров. Манайхан өнгөрсөн долоо хоногт “PUBG mobile pro league”-ийн Өмнөд Азийн шигшээ тоглолтод өрсөлдөж II байр эзэлсэн. Тэмцээний шилдэг тоглогчоор манай улсын багийн тоглогч GODLESSS шалгарсан бол ICY, ZYOL нар хоёр, гуравдугаар байрт жагссан байна. Тэд 1.3 тэрбум төгрөгийн шагналын сантай “Peace elite Asia invitational 2021” тэмцээнд өрсөлдөх эрхтэй болжээ.
